Digitalء-داۋىر يگىلىگىنىڭ ءبىرى – «الىستان حابار العىزعان» مەسسەندجەرلەر ەدى. بۇگىنگى كۇنى تۇرمىس-سالتىمىزعا ءسىڭىپ كەتكەن WhatsApp، Telegram جانە Facebook، Instagram، TikTok ديرەكتىلەرىنىڭ قولدانىس اياسى تارىلۋى مۇمكىن. سەبەپ – ۇلتتىق مەسسەندجەردىڭ اينالىمعا قوسىلۋى جانە ونى مەملەكەت باسشىسىنىڭ قولداۋى. 

جاساندى ينتەللەكتتىڭ كەڭ قولدانىلا باستاۋىنان تۋىندايتىن قاۋىپ-قاتەردىڭ الدىن الۋ، رەتتەۋ شارالارىن جۇيەلەۋ ماقساتىندا وتكەن جيىندا پرەزيدەنت الەم ەلدەرىنىڭ تاجىريبەسىنە سۇيەنىپ، جۇمىستى جەدەلدەتۋ كەرەكتىگىن ايتتى. 

مەملەكەت باسشىسى جاساندى ينتەللەكت ماسەلەلەرى بويىنشا دايىندالىپ جاتقان زاڭ جوباسى جاۋاپكەرشىلىكتى، قاۋىپسىزدىكتى قامتاماسىز ەتىپ، سونداي-اق، كاسىپكەرلەر مەن تۇتىنۋشىلاردىڭ دا ويىنان شىعۋى قاجەت ەكەنىن جەتكىزدى.

پرەزيدەنت كيبەرقاۋىپسىزدى قامتاماسىز ەتۋگە كەدەرگى بولاتىن فاكتورلاردى جويۋدى جانە قورعالعان كوممۋنيكاسيانىڭ قولجەتىمدىلىگىن ارتتىرۋدا تاپسىردى.

«ۇكىمەت جەكە دەرەكتەردى جينايتىن بارلىق كوممۋنيكاسيا تۇرلەرىن قورعالعان ۇلتتىق مەسسەندجەرگە كوشىرۋ ماسەلەسىن پىسىقتاۋى كەرەك»، - دەدى ول.

الداعى ۋاقىتتا مەملەكەت باسشىسى ۇسىنعان Aitu قولدانۋشىلارى جەدەل ارتۋىن بايقاۋىمىز ىقتيمال. ال اتالعان مەسسەندجەردىڭ تولىق قورعاۋ تالاپتارىنا جاۋاپ بەرەتىنىن جانە دەربەس دەرەكتەردىڭ قانداي دا ءبىر قولسۇعۋشىلىققا ۇشىرامايتىنىن دالەلدەيتىن ءاقپاراتتىق-تۇسىندىرۋ جۇمىستارى جەدەل قولعا الىنسا قۇبا-قۇپ.