دونالد ترامپ ۋكراينا باسشىسى ۆلاديمير زەلەنسكييدىڭ رەسەيمەن اۋماقتىق كەلىسىمدەرگە كەلۋدەن ۇزىلدى-كەسىلدى باس تارتۋىنا كەلىسپەيتىنىن ءبىلدىردى. بۇل تۋرالى اقش پرەزيدەنتى جۋرناليستەرمەن كەزدەسۋ بارىسىندا ايتتى.
«پۋتين كەلىسسوز ءۇشىن ءبىزدىڭ ەلگە كەلگەندە جاقسى بولار ەدى، ءبىز ونىڭ ەلىنە نەمەسە ءۇشىنشى ءبىر ەلگە ەمەس. مەن زەلەنسكييمەن دە جاقسى ارالاسامىن. ءبىراق ونىڭ ىسىمەن كەلىسە المايمىن. مۇلدەم كەلىسە المايمىن. بۇل سوعىس ەشقاشان بولماۋى كەرەك ەدى، بولماس تا ەدى. ءبىراق مەن زەلەنسكييمەن سويلەسەمىن. كەلەسى كەزدەسۋ زەلەنسكيي جانە پۋتينمەن نەمەسە زەلەنسكيي، پۋتين جانە مەنىمەن بولادى. ەگەر ولار ءۇشىن قاجەت بولسا مەن سول كەلىسسوزگە قاتىسامىن. ەكى كوشباسشى اراسىندا كەزدەسۋ ۇيىمداستىرىلعانىن قالايمىن»، دەدى ترامپ.
جۋرناليستەرمەن كەزدەسۋ كەزىندە ترامپ زەلەنسكييدىڭ ۇستانىمىنا قارسى ەكەنىن ايتتى.
«زەلەنسكييدىڭ كونستيتۋسيانى العا تارتىپ، كەز كەلگەن اۋماقتىق كەلىسىمنەن باس تارتۋىن تۇسىنبەيمىن. ەگەر بەيبىتشىلىككە قول جەتكىزۋدىڭ بىردەن-بىر جولى — كەلىسسوزدەر ارقىلى بەلگىلى ءبىر شارتتارعا بارۋ بولسا، ونى قاراستىرۋ قاجەت دەپ ەسەپتەيمىن»، دەدى ترامپ.
