اقش پرەزيدەنتى دونالد ترامپ ەل استاناسىنا ۇلتتىق گۆارديا جاساعىن كىرگىزدى. ماقساتى – ءوزى بىرنەشە مارتە مالىمدەمە جاساعان «ءتارتىپ ورناتۋ» جانە ۇيسىز-كۇيسىز تومەنگى الەۋمەتتىك تاپ وكىلدەرىن قالادان شىعارۋ. 

ترامپتىڭ ايتۋىنشا، ول قالانى كورىكتى ءارى ءقاۋىپسىز ەتۋدى كوزدەيدى. وسى وپەراسيانى جۇزەگە اسىرۋ كەزىندە ۆاشينگتون پوليسياسىن باسقارۋ قۇقىعى فەدەراتيۆتىك باقىلاۋعا وتپەك.

پرەزيدەنت پارمەنىمەن ەل استاناسىنا ۇلتتىق گۆارديانىڭ 800 اسكەري قىزمەتكەرى كىرەدى. اقش ارمياسىنىڭ مالىمەتىنە سۇيەنسەك، ۇلتتىق گۆارديا اسكەري قىزمەتكەرلەرى اكىمشىلىك، لوگيستيكالىق جانە قۇقىق قورعاۋ قىزمەتكەرلەرىنە قولداۋ كورسەتۋ سياقتى مىندەتتەردى اتقارادى ەكەن. شىلدەدە ۇيسىز-كۇيسىز جۇرگەندەردى تۇتقىنداۋ ءتارتىبىن جەڭىلدەتەتىن جارلىققا قول قويعان ترامپ ەندى استانا كوشەلەرىن تولىق تازارتۋعا كىرىسكەن سىڭايلى. الايدا، تومەنگى الەۋمەتتىك تاپ وكىلدەرىنە باسقا قالالاردان جاعداي جاساۋ قاراستىرىلعان-مىس.

ادام قۇقىعىن الدىڭعى قاتارعا قوياتىن اقش ارەكەتىن وزگە دەموكراتيالىق ەلدەر جانە ۆاشينگتوننان شىققان مىڭداعان ۇيسىز-كۇيسىز ادامداردى قابىلدايتىن وزگە قالا تۇرعىندارى قالاي قابىلدايتىنى الداعى كۇندەردىڭ ەنشىسىنە قالىپ وتىر. تەڭ قۇقىق تەندەنسياسى تارتىپپەن ۇشتاسار ما ەكەن؟...