پرەزيدەنت قاسىم-جومارت توقايەۆ ەلدە سالىناتىن العاشقى اتوم ەلەكتر ستانسياسىنا (اەس) اتاۋ بەرۋ جونىندە كونكۋرس وتەتىنىن ايتتى، دەپ جازادى اقوردا. بۇل تۋرالى پرەزيدەنت حالىقارالىق ءپان وليمپيادالارى جەڭىمپازدارى مەن جۇلدەگەرلەرىن ماراپاتتاۋ راسىمىندە ءسوز ەتكەن. 

«روساتوم» كومپانياسىمەن بىرگە سالىناتىن العاشقى اتوم ەلەكتر ستانساسى ستراتەگيالىق ماڭىزعا يە. بىرەر كۇن بۇرىن ونىڭ قۇرىلىسى رەسمي تۇردە باستالدى. اەس ەنەرگەتيكا نىسانى عانا ەمەس، عىلىمي-تەحنيكالىق پروگرەستىڭ جارقىن سيمۆولى بولۋعا ءتيىس. ازىرگە ونىڭ اتاۋى جوق. بۇل ەلىمىزدەگى تۇڭعىش ستانسا بولعاندىقتان، حالىق اراسىندا ۇزدىك اتاۋ جونىندە بايقاۋ جاريالاۋعا بولادى دەپ سانايمىن. وسى سايىسقا قاتىسىپ، شىعارماشىلىق قارىمدارىڭىزدى كورسەتۋگە شاقىرامىن. بالكىم، شەشىم قابىلداعان كەزدە سىزدەردىڭ دە ۇسىنىستارىڭىزعا سۇيەنەرمىز»، دەدى توقايەۆ. 

بۇعان دەيىن الماتى وبلىسىندا سالىناتىن اەس-تىڭ قۇرىلىسى رەسمي تۇردە باستالعان بولاتىن. اەس-تى رەسەيدىڭ «روساتوم» كومپانياسى سالادى. قازاقستاندا العاشقى اتوم ەلەكتر ستانسياسىنىڭ قۇرىلىسىن 2035-2036 جىلدارى اياقتاۋ جوسپارلانۋدا.  قۇرىلىسقا كەم دەگەندە 14 ميلليارد دوللار جۇمسالۋى مۇمكىن.