ۋكراينا پرەزيدەنتى ۆلاديمير زەلەنسكيي "ءۇشىنشى دۇنيەجۇزىلىك سوعىس باستايمىن" دەپ قورقىتتى. ول دونباستان اسكەرلەردى شىعارۋ تۋرالى ۇسىنىستى جوققا شىعاردى.
زەلەنسكييدىڭ ايتۋىنشا، بۇل قادام تەك رەسەيدىڭ مۇددەسىنە جۇمىس ىستەيدى. دونباس وبلىسىنىڭ شامامەن 30%-ىنا تەڭ 9 مىڭ شارشى شاقىرىم جەردەن باس تارتۋ رەسەيگە زاپوروجە، دنەپروپەتروۆ جانە حاركوۆ وبلىستارىنا جاڭا شابۋىل جاساۋ ءۇشىن ستراتەگيالىق مۇمكىندىك بەرەدى.
"سونداي-اق ەلدىڭ بولاشاعىنا دا ءقاۋىپ توندىرەدى. ويتكەنى دونباسس — رەسەيلىكتەر ءۇشىن بولاشاق شابۋىلعا ارنالعان پلاسدارم. ەگەر ءبىز ول جەردەن كەتسەك، ءبىز ءۇشىنشى سوعىستى اشامىز"، دەدى زەلەنسكيي.
ەسكە سالساق، بۇعان دەيىن اقش پرەزيدەنتى دونالد ترامپ رەسەي مەن ۋكراينا اراسىندا كەلىسسوز ۇيىمداستىرۋ ءۇشىن بارىن سالاتىنىن ايتقان بولاتىن. سونداي-اق ول ۆلاديمير زەلەنسكييدىڭ رەسەيمەن اۋماقتىق كەلىسىمدەرگە كەلۋدەن ۇزىلدى-كەسىلدى باس تارتۋىنا كەلىسپەيتىنىن ءبىلدىردى.
