مەملەكەت باسشىسى ءبىرقاتار ۆەدومستۆونىڭ جۇمىسىن، جالپى ستراتەگيالىق مىندەتتەردىڭ ورىندالۋ بارىسىن سىنعا العانىن بىلەسىزدەر. نەگىزگى تاقىرىپ – جاساندى ينتەللەكت نارىعىن قالىپتاستىرۋ، زاڭنامالىق بازاسىن جۇيەلەۋ جانە ونى ءتيىمدى پايدالانۋ توڭىرەگىندە بولدى. پرەزيدەنت اتالعان جۇمىستاردىڭ ورىنداۋ قارقىنى باياۋ ەكەنىن ايتتى.
كەشە ق ر پرەمەر-مينيسترى ولجاس بەكتەنوۆ مەملەكەت باسشىسىنىڭ جاساندى ينتەللەكتىنى دامىتۋ جونىندەگى تاپسىرماسىن ورىنداۋ جونىندە جينالىس اشىپ، ءبىرقاتار ۇكىمەت مۇشەلەرىن جينادى.
جيىن بارىسىندا ەكونوميكا سەكتورلارىنا، مەملەكەتتىك باسقارۋعا، دەنساۋلىق ساقتاۋ جۇيەسىنە جي ەنگىزۋ، جي جانە سيفرلىق ترانسفورماسيا ستراتەگياسىن ازىرلەۋ، وتىنىشتەرمەن جۇمىس جانە مەملەكەتتىك قىزمەتتەردى ۇسىنۋ جۇمىسىن كۇشەيتۋ، ىت-ارحيتەكتۋرانى جانە QazTech ۇلتتىق پلاتفورماسىن مودەرنيزاسيالاۋ، وتاندىق ءىت ستارتاپ جوبالارىن قولداۋ جانە كيبەرقاۋىپسىزدىكتى نىعايتۋ ماسەلەلەرى تالقىعا ءتۇستى.
ۇكىمەتباسى وتكىزگەن جينالىس قورىتىندىسىندا سيفرلىق شتاب قۇرىلدى. پرەمەر-مينيستر ءتوراعالىق ەتەتىن شتاب قۇرامىنا ۇكىمەتتىڭ اپپارات باسشىسى، ستراتەگيالىق جوسپارلاۋ جانە رەفورمالار اگەنتتىگىنىڭ ءتوراعاسى، سيفرلىق دامۋ، يننوۆاسيالىق جانە اەروعارىشتىق ونەركاسىپ ءمينيسترى، پرەزيدەنتتىڭ سيفرلاندىرۋ ماسەلەلەرى جونىندەگى كەڭەسشىسى كىردى.
سونداي-اق، قازىرگى تاڭدا جاساندى ينتەللەكت پايدالانۋ جانە وعان بايلانىستى وزگە دە ماسەلەلەردى قامتيتىن زاڭ جوباسى قاراستىرىلىپ جاتقانىن ەسكە سالامىز. جي نارىعىن جۇيەلەۋ – بولاشاق يننوۆاسيادا باسەكەگە قابىلەتتى بولۋدىڭ نەگىز.
