ءيىسسۋ نارىعىنىڭ وتانى – فرانسيا، ال قامتيتىن اۋماعى – جاھان ءجۇزى. جاقسى ءيىسسۋ شىعارۋعا ۇمتىلماعان بۇل نارىقتىڭ وكىلدەرى از شىعار، ال قىتايدا تۋعان قازاق بالاسى جۇرت مويىنداپ، ەل ءتانتى بولعان ءيىسسۋ شىعارىپ، وعان قازاقشا اتاۋ بەردى.

الەمدىك نارىقتا ابىرويلى ەڭبەك اتقارىپ جۇرگەن ازامات – نۇرجان تولەگەن. ول قحر ىلە قازاق اۆتونوميالىق وكرۋگىندە دۇنيەگە كەلگەن. كەيىن فرانسيادا، اقش-تا ءبىلىم العان. بىرنەشە جىل بۇرىن اتاجۇرتىنا كەلىپ، ساعىنىشىن باسىپ، ارتىنشا شابىت سىيلاعان ساپار ناتيجەسى رەتىندە Tolegen برەندىن قۇرعان. Tolegen برەندىنىڭ ليۋكس ساپادا شىققان جاڭا تاۋارىنىڭ ءبىرى – Kiz Jibek ءيىسسۋى.

جوعارى، تومەنگى جانە نازىك نوتالاردى ءساتتى ۇشتاستىرعان ءيىسسۋ تۇتىنۋشىلار تاراپىنان جوعارى باعالانىپ جاتىر. ق ر مادەنيەت جانە اقپارات ءمينيسترى ايدا بالايەۆا دا نۇرجان تولەگەنمەن كەزدەسىپ، ازاماتتىڭ ەڭبەگى ەل مادەنيەتىنىڭ ابىرويىن شەتەل نارىقتارىندا نىعايتۋعا ۇلەس قوساتىنىن اتاپ وتكەن.

ءيىسسۋ وتانىندا قازاقشا اتاۋمەن نارىققا شىققان ازاماتتىڭ ەڭبەگىنە تابىس تىلەيمىز!