ۇلىبريتانيانىڭ ەكس-پرەمەر-مينيسترى بوريس دجونسون امەريكا جەرىندە ءپۋتيندى قىزىل كىلەممەن كۇتىپ الىپ، ترامپتىڭ ليمۋزينىنە مىنەر الدىندا مىسقىلىنا ءتوزۋ اسا نەگاتيۆتى قۇبىلىس ەكەنىن ايتتى.
بوريس دجونسون امەريكالىقتاردىڭ ءپۋتيننىڭ وتىرىگى مەن جالاسىن تىڭداۋعا وسىنشا شابىلعانىنا تاڭ قالعانىن جەتكىزدى. ونىڭ ايتۋىنشا، بۇل جاعداي حالىقارالىق ديپلوماتياداعى ەڭ ۇسقىنسىز ءارى ماعىناسىز ەپيزود بولدى.
ەكس-پرەمەر ءپۋتيننىڭ ترامپتى تومەندەتۋگە جانە ابىرويىنا نۇقسان كەلتىرۋگە تىرىسىپ باققانىن بايقاعانىن ايتادى. سونداي-اق ول ءپۋتيندى ديكتاتور جانە اسكەري قىلمىسكەر دەپ سانايتىنىن، ونىڭ ۇنەمى وتىرىك ايتاتىنىن جانە ونىڭ ارەكەتتەرى گيتلەرگە وتە ۇقساس ەكەنىن مالىمدەدى.
بريتانيالىق ساياساتكەر ترامپتىڭ پۋتينمەن كەزدەسۋىنە وڭ باعا بەردى. ول ترامپتى كۇندەردىڭ كۇنىندە بولاتىن كەلىسسوزدەردى ۋاقىت جوعالتپاي باستاعانى ءۇشىن دۇرىس باعالايتىنىن ايتىپ وتىر. سونداي-اق، ترامپ پۋتينمەن بەتپە-بەت كەلىپ، ناقتى جاعدايعا دا كوز جەتكىزگەن بولار دەپ توپشىلايدى بوريس دجونسون.
