بەلگىلى ۋكراينالىق جۋرناليست، كاسىپكەر دميتريي گوردون ءوزىنىڭ تەلەگرام ارناسىندا ۋكراينالىق اقپارات اگەنتتىگى ربك-ۋكراينا جاريالاعان جازبانى ءبولىستى.
ربك-ۋكراينا ۆلاديمير زەلەنسكييدىڭ اينالاسىنداعى دەرەككوزدەردەن ەل پرەزيدەنتىنىڭ الياسكاداعى ترامپ – پۋتين كەلىسسوزدەرىنە قاتىستى ۇستانىمىن جەتكىزىپتى-مىس.
«مازمۇندى اڭگىمە بولىپتى. ءبىز ترامپپەن ءبىرقاتار ماسەلەلەردى جانە ءارى قاراي قالاي ارەكەت ەتەتىنىمىزدى دۇيسەنبى كۇنى تالقىلايمىز دەپ كەلىستىك»، - دەگەن پىكىر بىلدىرگەن زەلەنسكيي.
ونىڭ ايتۋىنشا، الياسكاداعى كەلىسسوزدەر قارۋلى قاقتىعىستاردى توقتاتۋى مۇمكىن دەگەن بولجام بولعان، ءبىراق بۇل يدەياعا رف پرەزيدەنتى قارسى بولىپتى.
زەلەنسكييدىڭ ويىنشا، پۋتين قارۋلى قاقتىعىستى توقتاتۋدى ۋكرايناعا قاتىستى بارلىق ساياسي تالاپتارى قاناعاتتانعان كەزدە عانا ويلانعىسى كەلەدى. ءبىراق ترامپ ءارى قاراي جەدەل ارادا جەتىستىككە جەتۋ تۋرالى وزگە دە نۇسقالاردى ويلانىپ كورمەك.
