پولشا رەسپۋبليكاسىنىڭ قازاقستان رەسپۋبليكاسىنداعى ەلشىلىگىنىڭ ۋاقىتشا سەنىمدى وكىلى ميحال لابەندا ءبىرشاما ۋاقىتتان بەرى الەۋمەتتىك جەلىدەگى پاراقشاسىنا قازاق تىلىندە سويلەگەن جازبالار جاريالاپ ءجۇر. جۇرت سۇيسىنگەن ديپلوماتتىڭ بۇگىنگى جازباسى، ءتىپتى، ەرەكشە. ول رف پرەزيدەنتى ۆلاديمير ءپۋتيننىڭ 15 تامىزعا مۇنداي ماڭىزدى ديپلوماتيالىق كەزدەسۋ جوسپارلاعانىنا تاڭ قالعانىن جانە بۇل داتاعا تاريحي ساتسىزدىكتىڭ سايكەس بولۋىن ايتتى. 

وقىرمانعا تۇسىنىكتى بولۋ ءۇشىن ەلشىنىڭ ءسوزىن جانە ۆيدەوسىنا سىلتەمەنى قوسا جۇكتەيمىز.

«سالەمەتسىزدەر مە!

بۇگىن تامىزدىڭ 15ء-ى. قۇداي قالاسا اقش پرەزيدەنتى مەن ۆلاديمير پۋتين اراسىندا كەزدەسۋ بولاتىنىن بىلەمىز. ەگەر ۆلاديمير پۋتين ءوز تاريحىن جاقسى بىلسە، ەشقاشان 15 تامىزعا وسىنداي كەلىسسوزدەرگە قاتىسپاس ەدى. نەگە؟ سەبەبى، 105 جىل بۇرىن 15 تامىزدا بۋدەننىي جانە تۋحاچيەۆسكيي اسكەرلەرى پولياك اسكەرىنەن ويسىراي جەڭىلگەن.

قازان توڭكەرىسىنەن كەيىن لەنين جانە ستالين كوممۋنيزم يدەياسىن ەۋروپاعا تاراتۋدى ارماندادى. ول ءۇشىن كولونياعا شابۋىل جاساۋ كەرەك بولدى. ول كەزدە پولشانىڭ الەۋمەتتىك، ەكونوميكالىق، ساياسي جاعدايى وتە كۇردەلى بولدى. ال تۋحاچيەۆسكيي پولياك اسكەرىنەن وڭاي وتەم دەپ ويلادى. ءبىراق پولياكتار ەرلىكپەن كۇرەسىپ، جەڭىسكە جەتتى. ءقازىر، تاريحشىلاردىڭ پىكىرىنشە، وسى شايقاسى دۇنيە تاريحىنداعى ەڭ ماڭىزدى 100 شايقاس قاتارىنا كىرەدى.

بۇل – بۇكىل ەۋروپانى كوممۋنيزمنەن قۇتقارعان شايقاس. سوندىقتان، ءبىز بۇل وقيعانى ەسىمىزدە ساقتايمىز جانە ءدال وسى كۇنى پولياك اسكەري كۇشتەرىنىڭ مەرەكەسىن اتاپ وتەمىز»، - دەدى ول.

ۆيدەوعا سىلتەمە