رەسەيدىڭ پرەمەر-مينيستر ميحايل ميشۋستين قىرعىزستان پرەزيدەنتى سادىر جاپاروۆقا ورىس ءتىلى كىتابىن سىيلادى. ميحايل ميشۋستين وقۋلىقتى قىرعىز مەكتەپتەرى ءۇشىن اكەلگەنىن ايتتى.
تاسس سايتىنىڭ دەرەگىنشە، ميشۋستين ماسكەۋ مەن بىشكەك اراسىندا جاسالعان كەلىسىمدى نىعايتۋ ءۇشىن ىس-ساپارمەن بارعان. كەزدەسۋ بارىسىندا قىرعىز پرەزيدەنتىنە ورىس ءتىلى وقۋلىعىن سىيلادى.
"ءبىز ەكى ەل اراسىنداعى مادەني گۋمانيتارلىق بايلانىستى دامىتۋعا شىن جۇرەكتەن مۇددەلىمىز. ءسىز بەن ۆلاديمير پۋتين اراسىنداعى كەلىسىم بويىنشا قىرعىزستاندا ەكى ەلدىڭ ديپلوم ستاندارتىنا تەڭ بولاتىن توعىز ورىس مەكتەبىن سالۋ بويىنشا جۇيەلى جۇمىس جۇرگىزىپ جاتىرمىز. سونداي-اق سىزگە ورىس ءتىلى قولدانىسىن دامىتىپ جاتقانىڭىز ءۇشىن ەرەكشە العىس بىلدىرەمىن. وسىعان وراي قىرعىز بالالارىنىڭ ورىس ءتىلىن ۇيرەنسىن دەپ وقۋلىقتار الىپ كەلدىم"، دەدى ميحايل مۋشۋستين.
