عىلىمدى دامىتۋ – بۇگىنگى مەملەكەتتىك ساياساتتىڭ نەگىزگى باعىتى، مەملەكەت باسشىسىنىڭ تىكەلەي باقىلاۋىنداعى جانە كولەمدى قاراجات ءبولىنىپ، رەفورما جاسالىپ جاتقان سالا. 

جوعارى اۋديتورلىق پالاتا عىلىمدى دامىتۋ ىسىنە مەملەكەتتىك اۋديت جۇرگىزىپ، ءبىرقاتار قۇقىقبۇزۋشىلىق فاكتىلەرىن انىقتاعان. بۇگىنگى تاڭدا عىلىمدى دامىتۋعا بولىنەتىن قاراجات كولەمى 219 ميلليارد تەڭگەگە دەيىن جەتكەنىمەن، عىلىمي-زەرتتەۋ جۇمىستارىنا قاجەت قاراجات كولەمى ءالى دە جوعارى بولىپ وتىر. اۋديتورلار عىلىمي جۇمىستاردى ەكونوميكانىڭ ناقتى سەكتورىندا پايدالانۋ كورسەتكىشىنە دە نازار اۋدارىپتى.

عىلىم قورىنىڭ جوبالارىن كوممەرسيالىق نارىققا شىعارۋ جۇمىستارىندا ءبىرشاما كەمشىلىكتەر بار. مىسالى، 42 اياقتالعان جوبا مەجەلى ساتۋ جوسپارىن ورىنداماعان، ال 8 جوبا بويىنشا، ءتىپتى، ەشقانداي ءونىم شىعارىلماپتى.

جەتەكشى جوعارى وقۋ ورىندارىنىڭ جانىنداعى ينجەنەرلىك ورتالىقتار مەن تەحنوپاركتەردى قۇرۋ كەزىندە جوعارى باعامەن ساتىپ الۋلار جۇرگىزۋ جانە قاراجاتتى ماقساتسىز پايدالانۋ فاكتىلەرى انىقتالىپ وتىر.

مەملەكەتتىك اۋديت قورىتىندىسى بويىنشا 1،7 ميلليارد تەڭگەنى قۇرايتىن قارجىعا بايلانىستى ءتارتىپبۇزۋشىلىق بەلگىلى بولدى. ال قاراجاتتى ءتيىمسىز جوسپارلاۋ 24،2 ميلليارد تەڭگەنى، ءتيىمسىز پايدالانۋ 42،5 ميلليارد تەڭگەنى قۇرايدى.

انىقتالعان ماسەلەلەر بويىنشا ماتەريالدار قۇقىق قورعاۋ ورگاندارىنا جولدانادى.