عىلىم جانە جوعارى ءبىلىم مينيسترلىگى 2025-2026 وقۋ جىلىنا ارنالعان ماگيستراتۋرانىڭ مەملەكەتتىك ءبىلىم بەرۋ گرانتتارىن تاعايىنداۋ جونىندەگى رەسپۋبليكالىق كوميسسيانىڭ جۇمىسى اياقتالعانىن حابارلادى.
بيىل كونكۋرسقا قاتىسۋ ءۇشىن 20 مىڭنان استام ءوتىنىش قابىلداندى، بۇل وتكەن جىلمەن سالىستىرعاندا 5 مىڭعا ارتىق.
"بولاشاق ماگيسترانتتار اراسىندا ەڭ سۇرانىسقا يە ءبىلىم بەرۋ باعىتتارى – "پەداگوگيكالىق عىلىمدار"، "اقپاراتتىق-كوممۋنيكاسيالىق تەحنولوگيالار"، "ينجەنەرلىك، وڭدەۋ جانە قۇرىلىس سالالارى"، - دەپ جازىلعان حابارلامادا.
گرانت تاعايىنداۋ كونكۋرسىنىڭ ناتيجەلەرى 23 تامىز كۇنى ق ر عىلىم جانە جوعارى ءبىلىم ءمينيسترىنىڭ، ق ر عىلىم جانە جوعارى ءبىلىم مينيسترلىگى مەن ۇلتتىق تەستىلەۋ ورتالىعىنىڭ رەسمي الەۋمەتتىك جەلىلەرىندە جاريالانادى.
