قازاقستان رەسپۋبليكاسىنىڭ كونستيتۋسياسىنا 30 جىل تولۋىنا ارنالعان عىلىمي-پراكتيكالىق كونفەرەنسيادا پرەزيدەنت قاسىم-جومارت توقايەۆ ءسوز سويلەدى. پرەزيدەنت ءوز سوزىندە ەكس-پرەزيدەن نۇرسۇلتان نازاربايەۆتىڭ "ەڭبەگىن" اتاپ ءوتتى.
"كونستيتۋسيا تۋرالى ايتقاندا، تۇڭعىش پرەزيدەنت نۇرسۇلتان ءابىش ۇلى نازاربايەۆتىڭ تاباندى ەڭبەگىنە ءادىل باعا بەرۋ قاجەت. ول كونستيتۋسيا قابىلدانعان كەزدە مەملەكەت باسشىسى رەتىندە شەشۋشى ءرول اتقاردى"، دەيدى توقايەۆ.
توقايەۆ ەڭ باستى كونستيتۋسيالىق وزگەرىس وسىدان ءۇش جىل بۇرىن جاسالعانىن اتاپ ءوتتى.
"ەلىمىزدىڭ باستى زاڭىنا «ءبىز، ورتاق تاريحي تاعدىر بىرىكتىرگەن قازاقستان حالقى...» دەگەن سوزدەر جازىلدى. كونستيتۋسيامىز تاۋەلسىزدىگىمىزدى نىعايتۋعا زور ىقپالىن تيگىزدى، ەلىمىزدىڭ ودان ءارى دامۋىنا داڭعىل جول اشتى. قازاقستان دەربەس مەملەكەت رەتىندە الەم قاۋىمداستىعىنىڭ بەلدى مۇشەسى اتاندى. ارينە، ۋاقىت ءبىر ورىندا تۇرمايدى. وتىز جىلدا ءتۇرلى سەبەپكە بايلانىستى اتا زاڭعا 6 رەت تۇزەتۋ ەنگىزىلدى"، دەدى پرەزيدەنت.
