2 قىركۇيەكتە بەيجىڭ قالاسىندا مەملەكەت باسشىسى قاسىم-جومارت توقايەۆتىڭ قاتىسۋىمەن قازاق-قىتاي ىسكەرلىك كەڭەسىنىڭ VIII وتىرىسى ءوتتى.

ءىس-شاراعا ماڭعىستاۋ وبلىسى اكىمىنىڭ ورىنباسارى ەربول ىزبەرگەنوۆ باستاعان وڭىرلىك دەلەگاسيا قاتىستى. ساپار ناتيجەسىندە وبلىس اكىمدىگى مەن قىتايدىڭ جەتەكشى كومپانيالارى اراسىندا ءوڭىر ەكونوميكاسى ءۇشىن ماڭىزدى ينۆەستيسيالىق جوبالاردى جۇزەگە اسىرۋ جونىندە كەلىسىمدەرگە قول قويىلدى.

اتاپ ايتقاندا، «Zhongyun International Industrial Co.، Ltd. (Heilongjiang)»، «Inner Mongolia Guoyou Import & Export Trading Co.، Ltd.» جانە «Tianjin Guoyou WuChan Group Co.، Ltd.» كومپانيالارى – ماڭعىستاۋ وبلىسىندا تەڭىز پورتىن سالۋ جانە كولىك-لوگيستيكالىق ينفراقۇرىلىمدى دامىتۋ جوباسىن، «Gansu Joy Sturgeon Ecological Technology Co.، Ltd.» كومپانياسى – بالىق شارۋاشىلىعى، بالىق وڭدەۋ جانە تۋريزم باعىتىندا ءبىرقاتار جوبالاردى ىسكە اسىرادى.

بۇدان بولەك، «ChengLi Special Automobile Co.، Ltd.» جانە «Hua An International Investment Management LLP» – ارنايى تەحنيكانى اۆتوجيناقتاۋ زاۋىتىن سالۋدى كوزدەسە، «Huawei Technologies Kazakhstan» كومپانياسىمەن سيفرلاندىرۋ سالاسىنداعى بىرلەسكەن جوبالار قولعا الىنادى.

ايتا كەتەيىك، وبلىس اكىمى نۇرداۋلەت قيلىباي وڭىرگە ينۆەستيسيا تارتۋ ماقساتىندا اتالعان كومپانيالاردىڭ وكىلدەرىمەن بىرنەشە كەزدەسۋ وتكىزگەن بولاتىن. كەلىسسوزدەر اقتاۋ، استانا، سونداي-اق قىتايدىڭ بەيجىڭ، تيانسزين جانە سۋيچجوۋ قالالارىندا ۇيىمداستىرىلدى. كەزدەسۋلەر بارىسىندا تاراپتار بىرلەسكەن جوبالاردى تالقىلاپ، ءوزارا ىنتىماقتاستىقتى نىعايتۋ جونىندە ۋاعدالاسقان ەدى.

وسى ماقساتتى كەلىسسوزدەردىڭ ناتيجەسىندە بۇگىن بەيجىڭ قالاسىندا مەملەكەت باسشىسىنىڭ قاتىسۋىمەن وتكەن ىسكەرلىك كەڭەستە، قىتايلىق ءىرى كومپانيالارمەن كەلىسىمدەرگە قول قويىلدى. بۇل كەلىسىمدەر ماڭعىستاۋ وبلىسىنا قوماقتى ينۆەستيسيا تارتۋعا جول اشادى.

ماڭعىستاۋ وبلىسى اكىمىنىڭ باسپا ءسوز قىزمەتى