قازاقستاندا ستوماتولوگيالىق قىزمەتتەردى تولەۋ ءۇشىن زەينەتاقى جيناقتارىن پايدالانۋعا وتىنىمدەر قابىلداۋ ۋاقىتشا توقتاتىلادى.
«وتباسى بانكىنىڭ» باسپا ءسوز قىزمەتىنىڭ سالىمەتىنشە، 15 قىركۇيەككە دەيىن بەرىلگەن وتىنىشتەر شتاتتىق رەجيمدە قارالادى. ال ودان كەيىن مۇنداي مۇمكىندىك الىنىپ تاستالادى.
"قۇرمەتتى كليەنتتەر، 2025 جىلعى 15 قىركۇيەكتەن باستاپ enpf-otbasy.kz پلاتفورماسىندا ءتىس ەمدەۋگە زەينەتاقى جيناقتارىن (بجزق قاراجاتىن) پايدالانۋ بويىنشا وتىنىمدەر قابىلداۋ توقتاتىلادى. بۇل كۇنگە دەيىن بەرىلگەن بارلىق ءوتىنىم قالىپتى تارتىپتە قارالادى جانە وڭدەلەدى"، – دەپ مالىمدەدى "وتباسى بانك".
بۇعان دەيىن ءبىرىڭعاي جيناقتاۋشى زەينەتاقى قورىنان (بجزق) تولەنەتىن قاراجات تولىق كولەمدە جەكە تابىس سالىعىنان بوساتىلاتىنى بەلگىلى بولدى. ياعني قازاقستاندىقتار زەينەتاقى قارجىسىن، سونىڭ ىشىندە باسپانا الۋعا ارنالعان بولىگىن دە، سومانىڭ 10%-ىن ۇستاپ قالۋسىز پايدالانا الادى.
