اتىراۋدا مەملەكەتتىك تۋدى تەرىس ىلگىنگەن فوتوسى الەۋمەتتىك جەلىدە قىزۋ تالقىعا ءتۇسىپ، حالىق نارازىلىعىن تۋدىردى. الەۋمەتتىك جەلىلەردەگى قىزۋ تالقىلاۋدان كەيىن تۋ الىنىپ، قايتا ىلىنگەن. ءبىراق قولدانۋشىلار سالعىرتتىققا جول بەرگەندەردى انىقتاپ، جاۋاپقا تارتۋدى تالاپ ەتتى، دەپ حابارلايدى Qamshy.kz اقپارات اگەنتتىگى اق جايىق باسىلىمىنا سىلتەمە جاساپ،
اكىمدىك مالىمەتىنشە، مەردىگەر ۇيىمنىڭ قىزمەتكەرى قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنىڭ 458-بابى (قازاقستان رەسپۋبليكاسىنىڭ مەملەكەتتىك رامىزدەرىن پايدالانۋ قاعيدالارىن بۇزۋ") بويىنشا اكىمشىلىك جاۋاپكەرشىلىككە تارتىلعان.
اتالعان باپقا سايكەس، مەملەكەتتىك رامىزدەردى پايدالانۋ قاعيدالارىن بۇزعانى ءۇشىن 50 ايلىق ەسەپتىك كورسەتكىش (184 600 تەڭگە) مولشەرىندە ايىپپۇل قاراستىرىلعان. تۋدى تەرىس ىلگەن قىزمەتكەرگە ءدال وسى جازا قولدانىلعان.
