ۇلتتىق قاۋىپسىزدىك كوميتەتى الماتى قالاسىندا 2025 جىلدىڭ قىركۇيەگىندە 5 شەتەلدىك ازامات جوسپارلاعان تەررورلىق اكتىسىنىڭ الدىن الدى، دەپ حابارلايدى كوميتەتتىڭ باسپا ءسوز قىزمەتى.
باسپا ءسوز قىزمەتىنىڭ مالىمەتتەرىنە قاراعاندا، ولاردىڭ بارلىعى قاماۋعا الىنىپ، تەرگەۋ جۇرگىزىلىپ جاتىر.
سونىمەن قاتار، بيىل قىركۇيەك پەن قازاندا تەرروريزمدى ناسيحاتتادى دەگەن كۇدىكپەن قىلمىستىق ىستەر اياسىندا 8 قازاقستاندىق قاماۋعا الىندى.
قىلمىستىق-پروسەستىك كودەكستىڭ 201-بابىنىڭ 1-بولىگىنە سايكەس تەرگەپ-تەكسەرۋ بارىسى تۋرالى اقپارات جاريا ەتۋگە جاتپايدى.
سول كەزەڭدە ۇقك ماتەريالدارى بويىنشا 6 ادام تەرروريستىك جانە ەكسترەميستىك قىلمىستار جاساعانى ءۇشىن ءتۇرلى مەرزىمگە باس بوستاندىعىنان ايىرۋعا سوتتالعان.
- جالپى جىل باسىنان وسىنداي قىلمىستارى ءۇشىن 89 ادام قىلمىستىق جاۋاپقا تارتىلدى، ونىڭ 6-سى شەتەلدىكتەر، - دەلىنگەن ۇقك باسپا ءسوز قىزمەتى تاراتقان اقپاراتتا.
