Apple كومپانياسى iPhone قۇرىلعىلارىنداعى جاڭارتىلعان Siri داۋىستىق كومەكشىسىن ىسكە قوسۋ ءۇشىن Google-دىڭ Gemini جاساندى ينتەللەكت مودەلىن پايدالاناتىنىن مالىمدەدى. كوپجىلدىق كەلىسىم اياسىندا Gemini مەن Google-دىڭ  تەحنولوگيالارى Appleء-دىڭ جاڭا AI مۇمكىندىكتەرىنىڭ نەگىزى بولادى.

بۇل قادام Siriء-دىڭ كەشىكتىرىلگەن AI-نۇسقاسىن جىلدام ىسكە قوسۋعا كومەكتەسەدى جانە Appleء-دىڭ جاساندى ينتەللەكت سالاسىندا باسەكەگە قابىلەتتىلىگىن ارتتىرۋدى كوزدەيدى. ساراپشىلار بۇل سەرىكتەستىكتى نارىق ءۇشىن وڭ سيگنال دەپ باعالادى. كەلىسىمنىڭ قارجىلىق شارتتارى جاريالانعان جوق، ءبىراق بۇعان دەيىن Apple Gemini ءۇشىن جىلىنا شامامەن $1 ملرد تولەۋى مۇمكىن دەگەن اقپارات شىققان.

جاڭالىقتان كەيىن Apple مەن Google اكسيالارى ازداپ ءوستى، ال Google نارىقتىق قۇنى $4 ترلن مەجەسىنە جەتتى.