شەشەنستان باسشىسىنىڭ ۇلى ادام قادىروۆتى ماسكەۋگە سانيتارلىق اۆياسيامەن تاسىمالدادى. FlightRadar دەرەكتەرىنە سايكەس، رەسەي تجم-نە تيەسىلى ان-148-100-ەم سانيتارلىق ۇشاعى گروزنىيدان ۇشىپ شىعىپ، ماسكەۋ ۋاقىتىمەن 01:10-دا ۆنۋكوۆو اۋەجايىنا قونعان.

ۇشاق شەشەنستان اۋماعىنان 19:37-دە كوتەرىلىپ، ماسكەۋگە ادەتتەگى رەيستەرگە قاراعاندا شامامەن جارتى ساعاتقا ەرتە جەتكەن. بۇل رەيس ادام قادىروۆتىڭ جول-كولىك وقيعاسىنا قاتىسى بار دەگەن اقپاراتتان كەيىن تىركەلدى.

سانيتارلىق بورتتان كەيىن كوپ ۇزاماي ماسكەۋگە رامزان قادىروۆ ادەتتە شەتەلدىك ساپارلارىنا پايدالاناتىن Airbus RA-73417 ۇشاعى دا ۇشىپ شىقتى. اتالعان اۋە كەمەسى اپات بولعان كۇنى دۋبايدا بولعان جانە ماسكەۋگە 17:47-دە اتتانعان. ول دا ۆنۋكوۆو اۋەجايىنا سانيتارلىق ۇشاقتان كەيىن قونعان.

بۇعان دەيىن ادام قادىروۆ گروزنىيداعى رەسپۋبليكالىق اۋرۋحاناعا جەتكىزىلگەن. كەيىن ونى ماسكەۋگە تاسىمالداۋ جونىندە شەشىم قابىلدانعان.

شەشەنستان بيلىگى ازىرگە جول اپاتىنا قاتىستى رەسمي تۇسىنىكتەمە بەرگەن جوق.

ادام قادىروۆ 18 جاستا. ول شەشەنستان قاۋىپسىزدىك كەڭەسىنىڭ حاتشىسى قىزمەتىن اتقارادى. 2025 جىلعى ساۋىردە شەشەنستان رەسپۋبليكاسىنداعى ىشكى ىستەر مينيسترلىگىنىڭ كۋراتورى بولىپ تاعايىندالعان. سونىمەن قاتار ول ۆ.ۆ. پۋتين اتىنداعى رەسەي ارنايى ماقساتتاعى ۋنيۆەرسيتەتىن، سونداي-اق رەسەي قورعانىس مينيسترلىگىنە قاراستى شەيح-مانسۋر جانە بايسانگۋر بەنويەۆسكيي اتىنداعى باتالونداردى قاداعالايدى.