- نارتاي سارسەنعالييەۆ: جاڭا كونستيتۋسيا شەنەۋنىكتەرگە ەمەس، ەڭ الدىمەن ازاماتتارعا ارنالعان
- كونستيتۋسيا العاش رەت حالىقپەن تۇسىنىكتى ءارى اشىق تىلدە سويلەيدى
- نارتاي سارسەگالييەۆ: نوۆايا كونستيتۋسيا ناپيسانا دليا چەلوۆەكا، ا نە دليا چينوۆنيكا
- نارتاي سارسەنگالييەۆ زاياۆيل: ەپوحا سىريەۆوگو مىشلەنيا دليا كازاحستانا زاكونچيلاس
- نارتاي سارسەنگالييەۆ: كونستيتۋسيا ۆپەرۆىە گوۆوريت س نارودوم پروستىم ي پونياتنىم يازىكوم
قۇجات ادام كاپيتالىن باستى باسىمدىق رەتىندە بەلگىلەپ، حالىقتى بيلىكتىڭ بىردەن-بىر كوزى دەپ جاريالايدى.
قازاقستان رەسپۋبليكاسىنىڭ جاڭا كونستيتۋسياسى ەل دامۋى ساپالى جاڭا كەزەڭگە – باستى نازاردا ادام، ونىڭ ءبىلىمى، مادەنيەتى مەن ينتەللەكتۋالدى الەۋەتى تۇرعان كەمەل مەملەكەت كەزەڭىنە قادام باسقانىن ايقىنداپ وتىر. ماجىلىستەگى «AMANAT» پارتياسى فراكسياسىنىڭ جينالىسىندا دەپۋتات نارتاي سارسەنعالييەۆ اتا زاڭنىڭ جوباسىنا قاتىستى پىكىر ءبىلدىردى.
ونىڭ ايتۋىنشا، ءبىرىنشى كونستيتۋسيا قابىلدانعاننان بەرى شيرەك عاسىردان استام ۋاقىت ءوتتى، سول ارالىقتا الەۋمەتتىك-ەكونوميكالىق جاعداي عانا ەمەس، قوعامنىڭ سۇرانىستارى دا وزگەردى. سوندىقتان جاڭا كونستيتۋسيا بۇرىنعى ءماتىننىڭ جاي عانا وزگەرتىلگەن نۇقاسى ەمەس، تولىعىمەن جاڭا ماسشتاب پەن مازمۇنداعى قۇجات.
««جاڭا رەداكسياداعى اتا زاڭنىڭ ءماتىنى ايقىن جانە ناقتى جازىلعان. جاڭا كونستيتۋسيا زاڭ ماتىندەرى ءاردايىم اۋىر جانە تۇسىنىكسىز بولۋى كەرەك دەگەن قاساڭ قاعيدانى جوققا شىعارادى. قۇجات جەڭىل، انىق ءارى ءاربىر ازاماتقا تۇسىنىكتى تىلمەن جازىلعا»، – دەيدى نارتاي سارسەنعالييەۆ.
دەپۋتات كونستيتۋسياداعى ماڭىزدى جاڭاشىلدىق ادام كاپيتالىنىڭ مەملەكەتتىڭ ستراتەگيالىق باسىمدىعى رەتىندە بەكىتىلۋى ەكەنىن اتاپ ءوتتى. العاش رەت كونستيتۋسيالىق دەڭگەيدە ءبىلىم، عىلىم جانە يننوۆاسيالاردى دامىتۋ مەملەكەتتىك ساياساتتىڭ نەگىزگى باعىتى رەتىندە بەلگىلەنگەن.
«شيكىزاتتى ساتۋ باستى جەتىستىك سانالاتىن ءداۋىر كەلمەسكە كەتتى. بۇگىنگى باستى كاپيتال – ادامنىڭ ينتەللەكتىسى. جاڭا كونستيتۋسيادا ادام كاپيتالىن، ءبىلىمدى، عىلىم مەن يننوۆاسيانى دامىتۋ مەملەكەت قىزمەتىنىڭ ستراتەگيالىق باعىتى دەپ ناقتى جازىلعان. بۇل عالىمدار، شىعارماشىل ادامدار مەن جاستار ءۇشىن ۇلكەن سيگنال»، – دەدى ول.
سارسەنعالييەۆتىڭ ايتۋىنشا، قۇجات، سونىمەن قاتار، ءسوز بوستاندىعى، عىلىمي، تەحنيكالىق جانە كوركەم شىعارماشىلىق كەپىلدىگىن، زياتكەرلىك مەنشىكتىڭ قورعالۋىن كۇشەيتەدى. بۇل نورمالار ءوز پىكىرىن بىلدىرۋدەن قورىقپاي، ەلدىڭ دامۋىنا قىزمەت ەتەتىن ادامدارعا ستيمۋل بولادى.
دەپۋتات حالىق ەگەمەندىگى تۋرالى نەگىزگى ەرەجەگە دە نازار اۋداردى. جاڭا كونستيتۋسيادا مەملەكەتتىك بيلىكتىڭ بىردەن-بىر كوزى جانە ەگەمەندىكتىڭ يەسى قازاقستان حالقى دەپ ناقتى جازىلعان.
«بۇل تۇبەگەيلى ماڭىزدى نورما. ول كونستيتۋسيا ەڭ الدىمەن قاراپايىم ازاماتتارعا، اسىرەسە الەۋمەتتىك جاعىنان قيىن جاعدايدا جۇرگەندەرگە تىرەك بولۋى كەرەك دەگەندى بىلدىرەدى. حالىقتىڭ ءال-اۋقاتىن ارتتىرۋ مەملەكەتتىك ساياساتتىڭ باستى كريتەرييىنە اينالۋدا»، – دەپ اتاپ ءوتتى ول.
ءسوز سوڭىندا نارتاي سارسەنعالييەۆ جاڭا كونستيتۋسيانى ەسكى اتا زاڭمەن سالىستىرۋ دۇرىس ەمەس ەكەنىن ايتتى، ويتكەنى ولار ءارتۇرلى تاريحي كەزەڭگە سايكەس كەلەدى. ەگەر الدىڭعى اتا زاڭ جاس تاۋەلسىز مەملەكەتتىڭ قالىپتاسۋىن قامتاماسىز ەتسە، قازىرگى قۇجات اياعىنان نىق تۇرعان جانە بولاشاعىنا سەنىممەن قارايتىن ەلگە ارنالعان.
««بۇل كونستيتۋسيا جاڭادان قۇرىلعان مەملەكەتتىڭ ەمەس، شەكاراسى بەكىگەن جانە ءوز بولاشاعىن ايقىن كورەتىن ەگەمەندى ەلدىڭ قۇجاتى. ۇزاق مەرزىمگە ەسەپتەلگەن تاريحي قۇجات، ۇزاق مەرزىمگە ەسەپتەلگەن»، – دەپ تۇيىندەدى ءسوزىن دەپۋتات.
