بايسەركە اۋىلىندا رەفەرەندۋم ەتنو-برەيك فورماتىندا ءوتىپ جاتىر الماتى وبلىسى ىلە اۋدانىنا قاراستى بايسەركە اۋىلىنداعى №12 مەكتەپتە ورنالاسقان رەفەرەندۋم ۋچاسكەسىندە داۋىس بەرۋ ەرەكشە فورماتتا ۇيىمداستىرىلدى.

№361 رەفەرەندۋم ۋچاسكەسىندە داۋىس بەرۋ ەتنو-برەيك مادەني باعدارلاماسىمەن قاتار وتكىزىلىپ، تۇرعىندارعا ۇلتتىق مادەنيەتتىڭ ەلەمەنتتەرى ۇسىنىلدى. بۇل باستاما ازاماتتاردىڭ رەفەرەندۋمعا دەگەن قىزىعۋشىلىعىن ارتتىرىپ، ۇلتتىق ءداستۇردى ناسيحاتتاۋعا باعىتتالعان.

ءىس-شارا بارىسىندا ۋچاسكەگە كەلگەن تۇرعىندار ءوز تاڭداۋلارىن جاساپ قانا قويماي، ەتنو-برەيك ونەرىن تاماشالاپ، ۇلتتىق مادەنيەتپەن تانىسۋعا مۇمكىندىك الدى. ۇيىمداستىرۋشىلاردىڭ ايتۋىنشا، مۇنداي ەرەكشە فورمات تۇرعىنداردىڭ سايلاۋ پروسەسىنە قاتىسۋ بەلسەندىلىگىن ارتتىرۋعا ىقپال ەتەدى. سونىمەن قاتار ول قوعامداعى بىرلىك پەن ىنتىماقتى نىعايتۋعا باعىتتالعان.

ۋچاسكەگە كەلگەن اۋىل تۇرعىندارى دا بۇل باستامانى قولداپ، داۋىس بەرۋ پروسەسىنە بەلسەندى قاتىسىپ جاتىر.