مەديسينالىق ورتالىقتار ىلە اۋدانىندا «اۋىلدا دەنساۋلىق ساقتاۋدى جاڭعىرتۋ» ۇلتتىق جوباسى اياسىندا سالىنعان. ونىڭ ءبىرى اششىبۇلاق اۋىلدىق وكرۋگىنە قاراستى كوكقاينار اۋىلىندا بولسا، ەكىنشىسى «بەرەكە» ساياجاي-كووپەراتيۆىندە ورنالاسقان.

يگى ءىستىڭ جۇزەگە اسۋىنا ۇلەس قوسقان مەردىگەر – «كاپيتال ستروي پروەكت گرۋپپ» كومپانياسى. ەندى اۋىل تۇرعىندارىنا قولجەتىمدى ءارى ساپالى مەديسينالىق قىزمەت كورسەتىلەدى. نىساندار زاماناۋي جابدىقتارمەن تولىق قامتىلعان.

باسپانا كىلتتەرى ىلە اۋدانى مەن قونايەۆ قالاسىندا الەۋمەتتىك وسال توپتاعى ازاماتتارعا جالعا بەرىلدى. كەيىن ونى ءوز اتىنا اۋدارۋعا دا مۇمكىندىك بار. وبلىس ورتالىعىنداعى «Comfort» كوپپاتەرلى تۇرعىن ءۇي كەشەنىنەن 50 ادام، ال ىلە اۋدانىنداعى «Galamat» تۇرعىن ۇيىنەن 82 ادام جاڭا ۇيگە قول جەتكىزدى. حالىقتىڭ ءال-اۋقاتىن جاقسارتۋ، باسپانامەن قامتۋ، تۇرعىندار يگىلىگىنە قىزمەت ەتەتىن نىساندار سالۋ جۇمىسى كەزەڭ-كەزەڭىمەن جالعاسىن تابادى.