ەڭبەكشىقازاق كوپسالالى ورتالىق اۋداندىق اۋرۋحاناسى اۋىلدىق دەنساۋلىق ساقتاۋ دەڭگەيىندە ناعىز تەحنولوگيالىق سەرپىلىس جاسادى.
اۋىلدىق دەنساۋلىق ساقتاۋ سالاسىن جاڭعىرتۋدىڭ ۇلتتىق جوباسىن ىسكە اسىرۋ شەڭبەرىندە اۋرۋحانادا الدىڭعى قاتارلى انگيوگرافيالىق قوندىرعىمەن جاراقتاندىرىلعان زاماناۋي رەنتگەن ينتەرۆەنسيالىق بولىمشەسى (كاتەتەريزاسيالىق زەرتحانا) رەسمي تۇردە اشىلدى.
ەڭبەكشىقازاق كوپسالالى ورتالىق اۋداندىق اۋرۋحاناسىنىڭ ديرەكتورى ءجاميلا ابەۋوۆا اتاپ وتكەندەي، وسى قول جەتكىزگەن جەتىستىك اۋىلدىق مەديسينانىڭ جاڭا دەڭگەيگە قادام باسقاندىعىن بىلدىرەدى، ياعني جوعارى تەحنولوگيالار اۋدانىمىزدىڭ ءاربىر تۇرعىنىنا تىكەلەي تۇرعىلىقتى مەكەن-جايى بويىنشا قولجەتىمدى بولادى.
بولىمشەدە اتقارىلعان ۇزدىك تاجىريبەنىڭ باستاپقى قول جەتكىزگەن ناتيجەلەرى جوبانىڭ ومىرلىك ماڭىزدىلىعىن كورسەتىپ وتىر: دارىگەرلەر العاشقى پاسيەنتتەرگە كوروناروگرافيالىق زەرتتەۋلەردى ءساتتى تۇردە جۇزەگە اسىردى. دياگنوستيكا جۇرگىزىلگەن ءبىر جاعدايدا تامىرلاردىڭ اسا كۇردەلى اسقىنعاندىعىن انىقتادى، بۇل دەرەۋ وپەراسيالىق شارا قولدانىلۋىن تالاپ ەتتى.
اۋداندىق اۋرۋحانا تاريحىندا العاش رەت كۇردەلى وپەراسيا - كورونارلىق ارتەريالاردى ستەنتتەۋ - اۋرۋحانا بازاسىندا، پاسيەنتتى وبلىس ورتالىعىنا نەمەسە الماتىعا شۇعىل تاسىمالداۋدىڭ قاجەتتىلىگىنسىز ورىندالدى.
جۇرەكتىڭ يشەميالىق اۋرۋىن دياگنوستيكالاۋدىڭ «التىن ساعاتى» فورماتىندا كومەك كورسەتۋ ستاندارتىن ەنگىزۋ - دارىگەرلەرگە قىسقا مەرزىمدە ەمدەۋ تاكتيكاسىن انىقتاۋعا جانە ادامداردىڭ دەنساۋلىعى مەن ءومىرىن ساقتاي وتىرىپ، تومەنينۆازيۆتى ارالاسۋلاردى جۇزەگە اسىرۋعا مۇمكىندىك بەرەدى.
ەندى بۇرىن ءىرى مەگاپوليستەردە عانا قولجەتىمدى بولعان جوعارى تەحنولوگيالىق ەندوۆاسكۋليارلىق كومەك اۋىل تۇرعىندارى ءۇشىن ناعىز قولجەتىمدى كومەك ءتۇرى بولىپ وتىر. بۇل مەديسينانىڭ قولجەتىمدىلىگىن ارتتىرىپ قانا قويماي، پاسيەنتتەردى باعىتتاۋ بەيىنىن تۇبەگەيلى وزگەرتىپ، دياگنوز قويۋدان باستاپ وپەراسيا جاسالعانعا دەيىنگى مەرزىمنىڭ جەدەلدەتىلگەندىگىن، جوسپارلى كومەك كورسەتۋ كەزىندەگى تۇرعىندار شىعىنى دا ازايعاندىعىن بىلدىرەدى.
بۇل اۋقىمدى جوبا قازاقستان رەسپۋبليكاسى دەنساۋلىق ساقتاۋ مينيسترلىگى مەن الماتى وبلىسى اكىمدىگىنىڭ جۇيەلى قولداۋىنىڭ ارقاسىندا جۇزەگە اسىرىلعاندىعىن اتاپ ءوتۋ كەرەك.
ينفراقۇرىلىمدى جاڭعىرتۋ جانە انگيوگرافيالىق قىزمەتتىڭ ىسكە قوسىلۋى اۋدان تۇرعىندارى ءۇشىن ساپالى جانە جەدەل دەنساۋلىق ساقتاۋ سالاسىن دامىتۋداعى جاڭاشىلدىق قادامى بولىپ، ەڭبەكشىقازاق كواا مامانداندىرىلعان كارديولوگيالىق كومەكتىڭ قۋاتتى وڭىرلىك حابىنا اينالدىرادى.
