ۋكرايناداعى جاعداي مۇلدە ۋشىعىپ بارادى.  قاقتىعىس سالدارىنان قازا تاپقاندار سانى 75-كە جەتىپ، 500-دەن استام ادام جاراقات العان. بۇگىن تۇندە لۆوۆوتاعى «بۇركىت» جاساعى جاتقان جەردە ءورت شىعىپ، ارنايى بولىمشەنىڭ 2 ساربازى كوز جۇمدى. ولاردىڭ مۇردەسى جالىن اۋىزدىقتالعاننان كەيىن ءبىراق انىقتالعان. ازىرگە ءورتتىڭ شىعۋ سەبەبى بەلگىسىز. بەيرەسمي اقپارات بويىنشا قاقتىعىستار باستالعالى بەرى وپات بولعان اسكەريلەر سانى 10 ادامنان اسقان. ال جوعارعى رادا لاڭكەستىككە قارسى كۇرەس شارالارىن توقتاتۋدى ۇيعاردى. شۇعىل وتكىزىلگەن جيىن بارىسىندا، 236 دەپۋتات ارنايى جاساقتى حالىققا قارسى قولدانباۋدى ماقۇلداپ، قانتوگىستى تۇبەگەيلى توقتاتتى. قابىلدانعان قۇجات بويىنشا قۇقىق قورعاۋ ورگاندارىنىڭ بارلىق ساربازى ءوز جاساقتارىنا قايتۋى قاجەت. ەندى زاڭعا سايكەس، كولىكتىك بايلانىس جۇيەسىنە كەدەرگى كەلتىرۋىنە بولمايدى. ەسەسىنە، قالا مەن ەلدى مەكەندەردە تۇرعىزىلعان بارلىق بەكىنىس پەن بوگەتتەردى الىپ تاستاۋعا تۋرا كەلەدى. قازا تاپقاندىڭ جاقىندارى مەن جاراقات العاندارعا كومەك كورسەتىلەدى. ال حالىق قالاۋلىلارى ەلدەگى داعدارىس تولىق بىتپەيىنشە پلەنارلىق جۇيەدە قىزمەت اتقارماق. www.24.kz