قازاقستاندا حالىقتىق كولىك اتانىپ كەتكەن، ءارى باعاسى دا اسا قىمبات ەمەس كەيبىر جەڭىل كولىكتەردىڭ سىرتتان اكەلۋىنە تىيىم سالىندى، دەپ حابارلايدى Tengrinews.kz"كولەسا" پورتالىنا سىلتەمە جاساپ. بۇل سانكسيا كەدەندىك وداقتىڭ "كولىكتەردىڭ قاۋىپسىزدىگى تۋرالى" تەحنيكالىق رەگلامەنتىنە ەنگىزىلگەن كەيبىر وزگەرىستەرگە بايلانىستى جۇزەگە استى. جاڭا وزگەرىستەرگە بايلانىستى سىرتتان اكەلىنەتىن جاڭا كولىكتەردە كەمىندە ءبىر دانا قاۋىپسىزدىك جاستىقشاسى، تەجەگىشتىڭ ABS جۇيەسى، نارەستەلەرگە ارنالعان ISOFIX ورىندىعى جانە يمموبيلايزەرى بولۋى شارت. ال وزبەك ەلىندە شىعارىلعان Daewoo Nexia مەن Daewoo Matiz ماركالى كولىكتەردە بۇل تالاپتاردىڭ ءبىرى جوق. Uz Daewoo قازاقستان وكىلىنىڭ سوزىنە قاراعاندا، Nexia مەن Matiz كولىكتەرى اعىمداعى جىلعى قاڭتاردىڭ 5-ىنەن باستاپ قازاقستانعا مۇلدە يمپورتتالماعان. "ءدال قازىرگى ۋاقىتتا قازاق ەلى اۋماعىنا وتكەن جىلدارى اكەلىنگەن كولىكتەر عانا ساتىلىپ جاتىر. ال بولاشاقتا كورسەتىلگەن تالاپتاردان ءوتۋ ءۇشىن "Nexiا" اتاۋىن "Gentra" دەپ وزگەرتىپ قانا قويماي، حالىقارالىق تالاپتارعا ساي قوندىرعىلاردىڭ بارلىعىن ورناتۋدى دا كوزدەپ وتىرمىز"، - دەدى اۆتوديلەر. ايتا كەتەيىك، 2013 جىلى قازاقستاندا Nexia-نىڭ 10 مىڭ، ال Matizء-دىڭ 13 داناسى ساتىلعان. قاۋىپسىزدىك جاستىقشاسى جوق LADA 4×4 جانە UAZ كولىكتەرىنە قاتىستى تالاپتار 2015 جىلدان باستاپ جۇزەگە اسىرىلاتىن بولادى. LADA 4×4 جانە UAZ-عا دا قويىلعان تالاپتىڭ ءبىر جىلعا كەيىنگە شەگەرىلۋىنە بۇل كولىكتەردىڭ كەدەندىك وداق اۋماعىندا شىعارىلعاندىعى اسەر ەتسە كەرەك. kaz.tengrinews.kz