Aýylsharýashylyǵy mınıstrliginiń jaýapty hatshysyna tenderdegi jeńis úshin 40-50 paıyz «sybaǵa» usynylǵan

    Darkhan Muqantegi
    Aýylsharýashylyǵy mınıstrliginiń jaýapty hatshysyna tenderdegi jeńis úshin 40-50 paıyz «sybaǵa» usynylǵan

    QR Aýylsharýashylyǵy mınıstrliginiń jaýapty hatshysy Arman Evnıevke bir kásipker mınıstrlik onyń qyzmetterine júginse, qyzmet qunynyń 40-50 paıyzyn beretinin aıtyp usynys jasaǵan. Bul týraly sheneýniktiń ózi «Feısbýk» jelisindegi paraqshasynda jarıalady.

    «40-50 paıyz. Elge tanymal bir azamat bizdiń mınıstrlik onyń kompanıasynyń qyzmetterin paıdalanýǵa kómektessem qyzmettiń jalpy qunynan osynsha «sybaǵa» beretinin aıtty. Oǵan jaýap retinde kabınetimnen qýyp shyqqanyma qatty tań qaldy. endi onymen jemqorlyqqa qarsy is-qımyl jónindegi Ulttyq búro aınalysatyn bolady», - dep jazǵan Arman Evnıev jazasyz ketemin dep oılaıtyn álgindeı adamdarǵa qatty ashýly ekenin aıtady.

    «Bul jaǵdaıǵa eshqandaı da qýanysh sezimimniń joq ekenin túsindirip jatý artyq bolar. Kerisinshe, osyndaı oıyna kelgendi isteýge jáne sol úshin jaýapqa tartylmaı ketetinine senetin adamdardyń qylyǵy yzamdy keltiredi. Ekinshi jaǵynan qańǵybas qaıyrshylardy aıaǵandaı aıaýshylyq týǵyzady. Tek qaıyrshy ǵana bir tilim nan úshin kez-kelgen jumysty isteýge bar. al, myna kisiler esh oılanbastan ózderiniń attaryna kir keltirýde. Biraq, men árbir memlekettik qyzmetshi óz sózderin naqty ispen dáleldese, biz aramyzdaǵy osy qasiretti jeńetinimizge senemin», - deıdi ol.

     

     

    Qatysty Maqalalar

    As bólmesine qatysty 30 keńes

    As bólmesine qatysty 30 keńes

    00:42, 18 naýryz 2019
    Eńbek etken — muratqa jetken

    Eńbek etken — muratqa jetken

    13:52, 29 mamyr 2018