Osy aptada  Elbasy N.Nazarbaev elimizdiń Bilim ján ǵylym mınıstrin aýystyrdy. Munan bólek, Ońtústik Qazaqstan oblysy ákiminiń jańa orynbasary taǵaıyndalyp, ózge de kadrlyq aýys-túıis oryn aldy, - dep habarlaıdy «Qamshy» portaly QazAqparatqa silteme jasap.

Sonymen Memleket basshysy Nursultan Nazarbaevtyń Jarlyǵymen Erlan Saǵadıev Qazaqstan Respýblıkasynyń Bilim jáne ǵylym mınıstri qyzmetine taǵaıyndaldy. Erlan Kenjeǵalıuly Saǵadıev 1966 jyly 29 qyrkúıekte dúnıege kelgen. 1990 jyly «ekonomıka» mamandyǵy boıynsha Ál-Farabı atyndaǵy Qazaq ulttyq ýnıversıtetin támamdaǵan, biliktiligi ekonomıs. 1993 jyly Mınnesota shtatynyń Ýnıversıtetin bitirdi, AQSH-tyń Mınneapolıs qalasynda Qoldanbaly ekonomıka departamentiniń ǵylym magıstri ǵylymı dárejesi bar.

Eńbek jolyn 1990 jyly Syrtqy ister mınıstrliginiń Qoldanbaly ekonomıka departamentiniń halyqaralyq ekonomıkalyq qatynastardy damytý jónindegi ekinshi hatshysy laýazymynan bastaǵan. Dúnıejúzilik bankiniń aýyl sharýashylyǵy departamentiniń ahýalyn taldaý jónindegi asıstenti, Shyǵys Eýropa, TMD elderiniń kýratory bolǵan (AQSH, Vashıngton q.). 2003 jyldan bastap 2009 jylǵa deıin «Jańa tehnologıalar. Qazaqstan» AQ-nyń Dırektorlar keńesiniń tóraǵasy boldy, bas dırektordyń laýazymyn atqarǵan. 2012-2013 jyldary Qazaqstan Respýblıkasy Premer-Mınıstriniń keńesshisi qyzmetin atqarǵan. 2014 jyldyń aqpan aıynan tamyz aıyna deıin Qazaqstan Respýblıkasynyń Indýstrıa jáne jańa tehnologıalar vıse-mınıstri boldy. 2014 jyldyń tamyz aıynda QR Investısıalar jáne damý mınıstriniń orynbasary bolyp taǵaıyndaldy. Elimizdegi Halyqaralyq IT ýnıversıteti men Halyqaralyq bıznes ýnıversıtetiniń negizin qalaǵan.

Al burynǵy QR Bilim jáne ǵylym  mınıstri Aslan Bákenuly Sárinjipov «Nazarbaev Qorynyń» prezıdenti jáne «Nazarbayev University» qamqorlyq keńesiniń múshesi bolyp taǵaıyndaldy. Aslan Sárinjipov Qazaq memlekettik ekonomıkalyq ýnıversıtetin, Oklahoma Ýnıversıtetin, Vena dıplomatıalyq akademıasyn aıaqtady. Ár jyldary «Úkimet janyndaǵy ulttyq taldaý ortalyǵy» AQ basqarmasy  jáne QR Ulttyq Banki tóraǵasynyń orynbasary laýazymdaryn atqardy. Ekonomıkalyq damý, qarjy, bilim berý máselelerine jetekshilik etti. «Nazarbaev Ýnıversıteti» avtonomıalyq bilim berý uıymynyń atqarýshy keńesiniń tóraǵasy boldy. 2013 jylǵy 2 qyrkúıekten 2016 jylǵy 10 aqpan aralyǵynda QR Bilim jáne ǵylym mınıstri boldy.

Qazaqstan Respýblıkasy Prezıdenti Ákimshiliginiń kelisimimen óńir basshysynyń ókimimen Ońtústik Qazaqstan oblysy ákiminiń orynbasary laýazymyna Ulasbek Sádibekuly Sádibekov taǵaıyndaldy. U.Báıdibek aýdany Jambyl aýylynda 1967 jyly dúnıege kelgen. Bilimi joǵary, mamandyǵy boıynsha ınjener-elektrık, halyqaralyq ekonomıs. Eńbek jolyn 1983 jyly Alǵabas aýdandyq mal bordaqylaý birlestiginiń jumysshysy bolyp bastaǵan. 1992-2015 jyldary Alǵabas aýdany ákimshiligi ishki saıasat bóliminiń mamany, bas mamany, jastar isi, saıahat jáne sport basqarmasynyń bastyǵy, Shymkent qalasy «Jetigen» JSHS dırektory, Ońtústik Qazaqstan oblysy Báıdibek aýdany ákiminiń orynbasary, oblys ákimi apparaty áleýmettik-mádenı kesheni bóliminiń meńgerýshisi, Ońtústik Qazaqstan oblysy jastar isi jáne ishki saıasat departamentiniń bastyǵy, Ońtústik Qazaqstan oblysy ishki saıasat departamentiniń dırektory, Ońtústik Qazaqstan oblysy Báıdibek, Saryaǵash aýdandarynyń ákimi, «Nur Otan» HDP-nyń Ońtústik Qazaqstan oblystyq fılıaly tóraǵasynyń birinshi orynbasary qyzmetterin atqardy. 2012 jylǵy qańtar aıynan bastap Qazaqstan Respýblıkasy Parlamenti Májilisiniń depýtaty bolǵan.

Áset Irǵalıev QR UEM «Ekonomıkalyq zertteýler ınstıtýty» AQ dırektorlar Keńesiniń sheshimimen QR UEM «Ekonomıkalyq zertteýler ınstıtýty» AQ Basqarma tóraǵasy bolyp taǵaıyndaldy. Áset Irǵalıev Qazaqstandyq menedjment, ekonomıka jáne boljamdaý  ınstıtýtynyń  (KIMEP)  memlekettik saıasat ekonomıka salasynda bakalavr  dárejesinde  úzdik támamdady  (Almaty, Qazaqstan).  Halyqaralyq Ionkopıng bıznes mektebin  halyqaralyq ekonomıka salasynda ǵylym bakalavry dárejesimen (Jönköping University, Shvesıa), Iork ýnıversıtetin ekonomıkadaǵy ǵylym magıstri dárejesimen (University of York, Ulybrıtanıa),   Nottıngem ýnıversıtetin ekonomıkadaǵy fılosofıa magıstri dárejesimen  (The University of Nottingham, Ulybrıtanıa) aıaqtady. Áset Irǵalıev London ekonomıka jáne saıası ǵylymdar mektebiniń PhD doktory dárejesin ıemdengen (London, Ulybrıtanıa). Eńbek jolyn Londondaǵy Eýropalyq damý jáne qaıta qurý bankiniń (EDQB) Shyǵys Eýropa, Kavkaz jáne Ortalyq Azıa boıynsha ekonomıka departamentiniń aýmaqtyq ekonomısi retinde bastaǵan. 2014 jyldyń maýsym aıynan bastap QR UEM «Ekonomıkalyq zertteýler ınstıtýty» AQ Basqarma tóraǵasynyń orynbasary laýazymynda qyzmet atqardy. «Ekonomıkalyq zertteýler ınstıtýty» AQ budan buryn basqarǵan Maqsat Muhanov ınstıtýttyń bas ekonomıs laýazymyna taǵaıyndaldy.

Atyraý oblysynda óńir basshysynyń ókimimen oblystyq jumyspen qamtýdy úılestirý jáne áleýmettik baǵdarlamalar basqarmasynyń bastyǵy qyzmetine Erkin Shpanov taǵaıyndaldy. Ol osy taǵaıyndaýǵa deıin QR Parlamenti Májilisiniń depýtaty boldy. E.Shpanov 52 jasta. Depýtattyq qyzmetinen buryn da ol osy basqarmaǵa basshylyq etken edi.

Qazaqstan qor bırjasy (KASE) aksıonerleriniń kezekten tys jalpy jınalysynyń 2016 jyldyń 11 aqpanyndaǵy sheshimimen «Qazaqstannyń halyq jınaq banki» AQ-nyń basqarma tóraǵasynyń orynbasary Ertaı Ismaıyluly Sálimov KASE Dırektorlar keńesiniń múshesi - KASE táýelsiz dırektory bolyp saılandy. Bırjanyń jańa táýelsiz dırektorynyń kezekten tys saılaýy J.B.Qurmanovtyń KASE Dırektorlar keńesiniń múshesi - KASE táýelsiz dırektory retinde ókilettigi basqa jumysqa aýysýyna baılanysty merziminen buryn toqtatylǵandyqtan ótkizildi. 

Danıar Meıirhan Shymkent qalasyndaǵy mýnısıpaldyq polısıanyń basshysy qyzmetine taǵaıyndaldy. Ol ishki ister organdaryndaǵy qyzmetin 2003 jyly jedel qyzmetten bastaǵan. Odan keıin Aqtóbe oblysynan Ońtústik Qazaqstan oblystyq ishki ister departamentine qyzmetke aýysqan. Osy jyldary oblystyń jol polısıasy basqarmasynda qyzmet atqaryp, aımaqtaǵy esirtki bıznesine qarsy kúres basqarmasyn, Shymkent ishki ister basqarmasyn basqarǵan. Jergilikti polısıanyń bastyǵy qyzmetine Saıram aýdandyq İİB-nyń basshysy qyzmetinen aýysqan.