Astanada óltirilgen stýdent Erasyl Áýbákirov isi boıynsha kúdiktiler sot qaýlysymen eki aı merzimge qamaýǵa alyndy, - dep habarlaıdy «Qamshy» portaly.

«Astana qalasy Almaty aýdandyq №2 sotynyń qaýlysymen kúdiktiler A. Tıhonenko, V. Sherstenev pen N. Ájimbaı eki aı merzimge qamaýǵa alyndy. Olarǵa QR Qylmystyq kodeksiniń 99-baby 2-bólimi 7-tarmaǵy (aldyn ala kelisim boıynsha toptalyp kisi óltirý) boıynsha aıyp taǵylýda», - delingen sot habarlamasynda. Sot qaýlysymen qamaýǵa alynǵan N. Ájimbaı E. Áýbákirovti soqqyǵa jyǵý sátin vıdeoǵa túsirgen kúdikti ekenin esterińizge salamyz.

Buǵan deıin taǵy bir kúdikti A. Meıirbaev qamaýǵa alynǵan bolatyn.

Esterińizge salsaq, Astana medısınalyq ýnıversıtetiniń stýdenti Erasyl Áýbákirov 3 aqpan kúni joǵalyp ketip, máıiti 10 aqpanda qala syrtynan tabyldy. Áleýmettik jelilerde marqumdy azaptaý sáti túsirilgen vıdeo da taralǵan bolatyn.