Qazaqtyń alǵashqy baspa óniminen bastap barlyq baspa tarıhy osynda tur. Abaıdyń alǵashqy kitaby, Mirjaqyptyń "Oıan, qazaǵynyń" qoljazbasy, Abaı oqyǵan, M.Áýezov 10 jyl qolyna ustaǵan Drepperdiń ataqty kitaby, Gýmar Karashtyń qolynan 100 buryn Bókeı Ordasynda shyǵyp turǵan "Uran" gazetinin jalǵyz tigindisi, Stambýlda, Qazanda, Peterborda, Tashkende júzdegen jyldar buryn shyqqan kóne Qurandar men Qurannyń ondaǵan qoljazba kóshirmeleri.... júzdegen sırek kitaptar men kundy jádigerler,75 myń qundy kitap' Uly jazýshylardyń qoltańbalary.... Kaısybirin aıta beresiń.

Baıaǵy zamanda Ǵylmanov, Mamajanov, Eleýkenov, Esmurzaev, Sársekeev syndy ultjandy azamattardyń janqıarlyǵymen ashylyp, alasapyran kezende de jan saqtaǵan Respýblıkalyq Kitap Murajaıy aıdyn-kúnniń amanynda talan-tarajǵa túskeli jatyr. TMD elderinde osyndaı úsh-aq murajaı bar edi. Peterborda, Kıevte jáne Almatyda. Endi soniń biri Másimovtiń aspannan túsken qaýlysymen joıylǵaly jatyr. Kárim-aka bul murajaıdy qaıtsin, bar-joǵynan da beıhabar shyǵar. Usynym daıyndaǵan -  mınıstr Arystanbek Muhamedıauly men Mádenıet komıtetiniń tóraıymy Aqtoty Raıymqulova.

Eń soraqysy, bul Elbasynyn tapsyrmasy dep qoqılanady. Elbasy kitap murajaıyn tarat dep pe? Ózderi buldirip, jamanatyn Prezıdentke jabatyndary qalaı? Osylarmen Elbasy qalaı kógeredi? Eki shala mýzykant osylaısha Elbasynyń atynan mádenıetti tozdyryp jatyr. Óz basym osynda Muhtar Qulmuhammedtiń jumsaýymen baryp edim. Meni qoıshy, toz-toz bolatyn sırek kitaptar men qoljazbalardyń obaly qaıda? ...Aıaq astynan ne Muhtar Qul-Muhammed, ne Darhan Myńbaı qaıta oralyp Mınıstr bola qalsa, qansha qundy jádiger opattan qutqarylar edi? "Nur Otanym" da jumǵan aýzyn ashpady. Sodan soń qıaldap jatqanym ǵoı. Arystanbek pen Aqtoty qıaldaýǵa tyıym sala almas!

Júrsin Ermannyń «Feısbýktegi» paraqshasynan alyndy