Aqtóbelik túlekterdi «Dıplommen aýylǵa» baǵdarlamasy boıynsha jumys isteýge yntalandyrý jumystary qarqyndy júrip jatyr. Oblysqa qarasty birneshe aýdan Marat Ospanov atyndaǵy Batys Qazaqstan medısına ýnıversıtetiniń stýdentterimen kelisimshartqa otyrǵan. Dıplomy qolǵa tıgen jastar birden sol aýdandarǵa barady, - dep habarlaıdy 24.kz arnasy.

Baspana satyp alýǵa 2 mln 900 myń teńge paıyzsyz nesıe beriledi. Sonymen birge bir rettik kóterme járdemaqy taǵy bar. Ótken jyly 8 dáriger-maman baspanamen qamtyldy. Osyndaı jolmen kadr tapshylyǵy máselesi sheshimin taýyp jatyr. Byltyr 154 dárigerdiń oryny bos tursa, bıyl 94-ke deıin azaıdy. Bilim berý salasynda da aýqymdy jumystar atqaryldy. Ótken 6 jylda 2 myń 385 jas muǵalim aýdan-aýyl mektepterine ornalasqan. Medısına ýnıversıtetiniń stýdenti Móldir Bólekbaeva dıplom alǵasyn óziniń týǵan aýylyna barǵysy keledi.

Bitirýimizdiń sońǵy jyly. Buıyrsa, bitirgennen keıin óz aýdanyma barǵym keledi. Óıtkeni bizdiń aýdanda osy kúnge deıin akýsher-gınekolog mamany tapshy. «Dıplommen aýylǵa» baǵdarlamasy barlyq jaǵdaıdy jasaıdy. Sol sebepti eshqandaı kúmán joq. Qazaqstannyń qandaı aýdanyna shaqyrsa da, barlyǵynda jumys jasaýǵa daıynbyz, deıdi M.Ospanov atyndaǵy BQMÝ stýdenti Móldir Bólekbaeva.