Aqtóbe oblysynyń ákimi Berdibek Saparbaev oblys aýmaǵyndaǵy joldardyń sapasyna kóńili tolmaıtynyn aıtyp, jaýapty tulǵalardy syn tezine aldy, - dep habarlaıdy «Qamshy» portaly rikatv.kz – ke silteme jasap.
«Sen bizdiń joldardyń sapasy úshin uıalamyn. Áleýmettik jelide, elektrondy poshtaǵa jol sapasyna, onyń qazirgi jaǵdaıyna qatysty shaǵymdar kúnde túsedi», - deıdi oblys basshysy.
Berdibek Saparbaev jol qurylysy men kútimine jaýapty basshylar men jol jóndeýshi merdiger kásiporyndar salynǵan joldyń sapasyna qatań jaýap beretinin, memleket qarajatynyń maqsatsyz jumsalmaý kerektigin basa aıtyp otyr. Ákim sapasyz jol salýmen aınalysyp kelgen kásiporyndar aldaǵy tenderlerden qaǵylatynyn jetkizdi.
