Bishkek oqýshylary 1916 jylǵy Ortaazıa kóterilisi jóninde qoıylym qoıdy, - dep habarlaıdy «Qamshy» portaly baq.kz – ke silteme jasap.

Qyrǵyzstan bıyl on myńdaǵan jergilikti turǵyn sheıit bolǵan Ortaazıa kóterilisiniń júz jyldyǵyn atap ótýde. Patshalyq repressıadan qurban bolǵandardyń naqty sany áli kúnge deıin belgisiz. Biraq, qyrǵyzstandyqtar muny genosıd dep tanýdy talap etedi.

1916 jylǵy oqıǵany eske alý sharasy Qyrǵyzstanda jyl boıynda atap ótiledi. Taıaýda ǵana Bishkekte atalǵan oqıǵany eske alýǵa arnalǵan teatr festıvali ótti. Onda Talas mektebiniń oqýshylary Ortaazıa kóterilisi jóninde qoıylym qoıdy.

Mýkaı Elebaev romanynyń jelisi boıynsha pesany oqýshylardyń ózderi jazyp shyqqan. Basty rólde — on jastaǵy bala (ony 3-synyp oqýshysy oınaıdy). Myńdaǵan ózge qyrǵyzdar sekildi ol da patsha qaharynan Qytaıǵa qashady. Alaıda jolda anasy qaza tabady, ózi quldyqqa tap bolady.
"Biz osyǵan deıin ártúrli spektáklderdi oınap keldik. Biraq 1916 jylǵy kóterilis bizdiń janymyzǵa qatty batty. Biz olardyń qaıǵy-qasyretin sezindik.

Bul biz úshin erekshe taqyryp boldy", - deıdi onynshy synyp oqýshysy Altynaı Borýkeeva.

Sahnanyń keıbir kemshilikterine qaramastan, balalar úlken qushtarlyqpen oınady. Tipten sahnadaǵy ártisterdiń balalar ekenin kórermenderdiń ózderi sezbedi.