«Qazaqstan Respýblıkasy Prezıdentiniń İs basqarmasy» memlekettik mekemesine qarasty «Qazaqstan Respýblıkasy Parlamentiniń Sharýashylyq basqarmasy» memlekettik mekemesiniń tapsyrysymen perde tikken kásipker áıel 2014 jyldyń qazanynan beri adal eńbeginiń aqysyn ala almaı júr, - dep habarlaıdy «Qamshy» portaly.
Búgin jeke kásipker atalǵan máseleniń núktesin qoıyp, ádil sheshim shyǵarýdy surap Joǵarǵy sot tóraǵasy Qaırat Mámı men Bas prokýror Asqat Daýylbaevtyń atyna hat tapsyrdy.
Kásipkerdiń aıtýynsha, 2014 jyldyń qazan aıynda jalpy quny 82,5 mln. teńge bolatyn 3 lot boıynsha depýtattar turatyn qyzmettik páterlerge tereze perde satyp alý jóninde memlekettik satyp alý konkýrsyn jarıalanady. Sol lottardyń quny 25,1 mln. teńge bolatyn bireýin, ıaǵnı, qonaq úı bólmesine perde tigý jónindegi lotty jeke kásipker Aqmaral Ardaýbaeva utyp alady. Kásipker 2014-jyldyń 05 mamyrynda Parlamenttiń Sharýashylyq basqarmasymen kelisim shartqa otyrady.
«Kelisimge saı kásipker daıyndaǵan 130 perde jınaǵy (130 komplekt) eki jylǵa jýyq ýaqyt boıy Parlamenttiń Sharýashylyq basqarmasynyń qoımasynda úıilip jatyr. Al, kásipker A. Ardaýbaeva bolsa, áli kúnge deıin tıisti qarajatyn ala almaı, bir jyldan asa ýaqyt boıy Parlamenttiń Sharýashylyq basqarmasymen sottasyp júr», - deıdi Aıqmaral Ardaýbaeva.
Kásipkerge parlamenttiń sharýashylyq basqarmasy «Tigilgen perdeler talapqa saı emes» degen sebeppen qarajat tólemeı otyr.
A. Ardaýbaevanyń qoǵamdyq qorǵaýshysy Maqsat İlıasuly sot barysynda parlamenttiń sharýashylyq basqarmasy tigilgen perde jınaqtaryna "negizsiz talap qoıǵanyn" aıtyp otyr.
«Parlamenttiń sharýashylyq basqarmasy tarapynan perde matasynyń bir sharshy qalyńdyǵyna 585 gram mata talap etilgen. Biraq, biz Reseı, Ýkraına, Belarýs elderindegi iri mata shyǵarýshy fabrıkalaryna suraý salǵanda, mundaı qalyńdyqta perde tigilmeıtinin bildik. Onyń ústine parlamenttik sharýashylyq basqaramasy «Analıtıka» atty jeke uıymnyń saraptamasy negizinde talap qoıdy. Biraq, «Analıtıka» uıymy bizge osy iske qatysty eshqandaı qorytyndy jasamaǵanyn jazdy. Sot barysynda osy ýájderimiz nazarǵa alynbady», - deıdi zańger.
Kásipker A. Ardaýbaeva osy jaǵdaıǵa baılanysty jıyrma shaqty jumysshysyna eńbekaqy tóleı almaı otyrǵanyn da alǵa tartady.
