Qoǵamdy dúrliktirgen "Ninety One" tobyna qatysty daý basylar emes, - dep habarlaıdy «Qamshy» portaly.
«Revú» baǵdarlamasynda tanymal ánshi, «MýzArt» ansambliniń oryndaýshysy Sáken Maıǵazıev te top týraly pikirin bildirdi.
«Bir jynystylyqqa, transvıstıtterge, sol sıaqty shaıtanı tirlikterge jaqyn bolmańdar. Kózin boıap, syrǵa taǵyp alǵan soń ol jaqsylyqqa aparmaıdy», - deıdi ánshi.
Al, top jetekshisi Erbolat Bedelhan bolsa osy taqyryp aınalasyndaǵy áńgimeden qajyǵanyn aıtady.
«Men jaýap beretindeı qoǵamǵa qaýipti eshteńe jasamadym. Kórgisi keletinder kórsin, kórgisi kelmeıtinder kórmeı-aq qoısyn. Ol árkimniń óz quqyǵy», - deıdi Erbolat Bedelhan.
