Almaty qalasynda spýtnıktik jeli arqyly taraıtyn uıǵyr telearnasy ashyldy, - dep habarlaıdy «Qamshy» portaly informburo.kz – ke silteme jasap.

«Táńritaǵ» (Táńir taýy) atalatyn telearna uıǵyr, qazaq jáne orys tilderinde habar taratatyn kórinedi.

Arnanyń ashylýyna almatylyq uıǵyr dıasporasynyń ókilderi 5 mıllıon teńge qarajat jınaǵan.

Oıyn-saýyq baǵyttaǵy telearna ashý ıdeıasy almatylyq uıǵyrlardyń oıynda 90-jyldardan beri júrgen eken.

«2008 jyly men osyndaı telearna ashqanmyn. Ol kabeldik júıe arqyly tarady. Bir jyl segiz aıdan soń qarjylyq qıyndyqtarǵa baılanysty arna jumysyn toqtatýǵa týra keldi. Ol kezde almatylyq uıǵyr dıasporasy tarapynan demeýshilik kóre almadym. Sol ýaqyt ishinde arnaǵa qajet qural-jabdyq, jumysshylardyń jalaqysy men komýnaldyq qyzmetke mıllıon dollardan astam qarjy jumsadym. Byltyr osy máselege qaıta oraldym. Bizde telearnadan basqa uıǵyr tilinde shyǵatyn gazet bar, uıǵyr teatry bar. Uıǵyr tilinde kitaptar basamyz. Endi óz telearnamyz da bar», - deıdi Almaty qalalyq uıǵyr mádenı ortalyǵynyń tóraǵasy jáne arna quryltaıshysy Abdýllan Ýshýrov.