Armenıa premer-mınıstri Ovık Abraamán reseılik áriptesi Dmıtrıı Medvedevten áskerı ónimderdi jetkizý jónindegi kelisimge tezirek qol qoıýdy surady, - dep habarlaıdy «Qamshy» portaly Lenta.rý-ǵa silteme jasap.

Abraamán Reseıge qarý alý úshin nesıe bólgendigi úshin rızashylyq bildire otyryp, qarý-jaraq jetkizý jumysyn jyldamdatýdy suraǵan.

«Kelisimge otyrý barysynda birqatar kesheýildeýler bolyp jatyr, sondyqtan Sizden «Rosoboroneksportqa» tıisti nusqaý berýińizdi suraımyn», - deıdi ol.

Buǵan deıin Ázerbaıjan tarapy Armenıaǵa qarý-jaraq pen áskerı tehnıka satyp alý úshin 200 mıllıon dollar nesıe ergeni úshin Reseıge qarsylyq notasyn joldaǵan edi.

Esterińizge salsaq, 18 aqpanda Máskeý Erevanǵa 200 mln dollar kóleminde 10 jyl merzimge memlekettik nesıe berip, ony tóleý ýaqytyn 2018 jylǵa shegergenin málimdegen edi.

Ol qarajatqa Armenıa «Smerch» reaktıvti júıeleri men onyń oq-dárilerin, «Igla» shenıttik-zymyrandyq keshenderin, taǵy basqa qarý-jaraq pen oq-dári, áskerı tehnıka alýdy kózdep otyr.