Elbasy Nursultan Nazarbaev 11-15 sáýir aralyǵynda birneshe shet memleketterge sapar shegedi, - dep habarlaıdy «Qamshy» portaly Aqordanyń baspasóz qyzmetine silteme jasap.

«11-12 sáýir kúnderi Nursultan Nazarbaev Hasan Rýhanıdiń shaqyrýymen Iran Islam Respýblıkasyna barady. Onda memleket basshylary 2014 jyldyń qyrkúıeginde Astanada jasalǵan kelisimderdiń oryndalý barysyn sóz etedi. Sonymen qatar, saýda-ekonomıkalyq, ınvestısıalyq, aýylsharýashylyq, kólik-tranzıttik saladaǵy áriptestik pen halyqaralyq jáne aımaqtyq qaýipsizdik máseleleri sóz bolady», - delingen Aqorda taratqan habarlamada.

13-14 sáýir kúnderi Prezıdent N. Nazarbaev Túrkıaǵa baryp, Islam yntymaqtastyq uıymynyń Hİİİ Samıtine qatysady. Sapar barysynda Elbasy Erejep Erdoǵanmen, túrik kásipkerlerimen kezdesedi dep kútilýde.

Ózbekstanǵa Elbasy 15 sáýir kúni soǵady. Onda memleket basshysy Islam Kárimovpen kezdesip, eki el arasyndaǵy qarym-qatynastyń negizshi máselelerin talqylaıdy.