Qazaqstan Respýblıkasy Ulttyq ulany «Ońtústik» óńirlik qolbasshylyǵy basqarmasynyń ofıserleri men kelisimshart boıynsha áskerı qyzmetshileri attestasıadan ótýde, - dep habarlaıdy «Qamshy» portaly.

«Ońtústik» óńirlik qolbasshylyǵy baspasóz qyzmetiniń habarlaýynsha, óńirlik qolbasshylyqqa baǵynyshty áskerı bólimder komandırleriniń orynbasarlary da tolyǵymen attestasıaǵa tartylǵan. 

Attestasıanyń alǵashqy kúni áskerı qyzmetshiler Áskerı Doktrına, Konstıtýsıa, Qazaqstan Respýblıkasynyń Ulttyq ulany, Qorǵanysy jáne Qarýly Kúshterdegi áskerı qyzmet pen áskerı qyzmetshilerdiń mártebesi týraly zańdar júıesiniń negizin quraıtyn testileýden ótti.

Ekinshi kúni olar deneshynyqtyrý daıyndyǵy boıynsha № 17 – kúshtik keshendi jattyǵýdan, № 35 – jyldamdyqqa júgirýden jáne № 36 –                  1 shaqyrym qashyqtyqqa júgirýden normatıvter tapsyrdy, sonymen qatar attestasıanyń sońǵy kúni áskerı qyzmetshiler atys daıyndyǵy boıynsha    № 4 – baqylaý-atý jattyǵýynyń normatıvterin oryndady. 

Atalǵan attestasıalyq tekseriske barlyq áskerı qyzmetshiler tolyǵymen qatysty. Olar joǵaryda atalǵan synaqtardy tapsyrýdan bólek, attestasıaǵa qatysý úshin aldymen psıhologıalyq testileýden ótkenin de eskertip óteıik.

Bundaı attestasıalyq tekserister Ulttyq ulan qatarynda qyzmet etetin árbir ofıserler men kelisimshart áskerı qyzmetshileriniń kásiptik, iskerlik jáne jeke qasıetterimen qosa, olardyń bilimderi men biliktilikterin, dene daıarlyǵy men basqa da iskerı qabiletterin, sonymen qatar olardyń atqaryp otyrǵan laýazymdaryna sáıkestigin tekserý maqsatynda 3 jylda bir ret ótkizilip turady.