Qazaqstan Qarýly Kúshteri ÁQK Áskerı-áýe kúshteriniń avıaparki Qazaqstan men AQSH arasyndaǵy áskerı-tehnıkalyq yntymaqtastyq josparyna sáıkes UH-1H-II «Húı» tikushaǵymen tolyqty, - dep habarlaıdy «Qamshy» portaly Qorǵanys mınıstrliginiń baspasóz qyzmetine silteme jasap.
Bul aqysyz negizdegi áskerı-tehnıkalyq yntymaqtastyq sheńberinde jetkiziletin úshinshi tikushaq. Tikushaqtan basqa, sondaı-aq qosalqy bólikter, agregattar, jınaqtaýshy jáne shyǵys materıaldary jetkizildi.
«Húı» tikushaqtary ártúrli oqý-jattyǵýlarda, onyń ishinde qazaqstandyq «Qazbat» bitimgershilik batalóny men QR QK Aeroutqyr áskerleri «Qazbrıg» bitimgershilik brıgadasynyń is-qımyldary pysyqtalatyn «Dala qyrany» taktıkalyq-arnaıy bitimgershilik oqý-jattyǵýlarda keńinen qoldanylady.
Budan buryn 2006-2007 jyldary qazaqstandyq ushý jáne ınjenerlik-tehnıkalyq quramy atalmysh tikushaqta teorıalyq jáne praktıkalyq qaıta jattaýdyń tolyq kýrsynan ótti.
«Bul tikushaqtar qarapaıym jáne kúrdeli meteojaǵdaılarda, kúndiz-túni, jyl boıy paıdalanylady. Paıdalaný kezeńinde qandaı da bir isten shyǵý bolǵan emes, tehnıka senimdi», - deıdi ÁÁK qolbasshysynyń orynbasary polkovnık Erkin Jumaǵalıev.
UH-1H-II tikushaǵy – bul desantty (12 adamǵa deıin) jáne ártúrli júkterdi tasymaldaý, izdestirý-qutqarý jumystaryn (onyń ishinde júkshyǵyrmen) oryndaý, áýeden barlaý, jaralylardy kóshirý úshin arnalǵan Bell kompanıasynyń jeńil kóp nysanaly áskerı-kóliktik tikushaǵy bolyp tabylady. Onyń 1 800 jylqynyń kúshindeı qýattylyǵy bar. T-53-L-703 bir qozǵaltqyshpen jabdyqtalǵan, sondaı-aq navıgasıalyq jáne radıoelektrondyq qondyrǵynyń keshenimen jabdyqtalǵan. Barynsha salmaǵy – 4 762 keli, barynsha jyldamdyǵy – 240 km/s. Avıasıalyq parktiń kezekti tikushaqpen tolyqtyrylýy armıalyq avıasıa bólimsheleriniń tapsyrmalardy oryndaý múmkinshilikterin arttyrýǵa múmkindik beretinin aıta keteıik.
