Almatydaǵy zırattardyń kútimine jaýapty «Mamandandyrylǵan rásimdik qyzmetter kombınaty» memlekettik komýnaldyq kásiporny satylymǵa shyǵady, - dep habarlaıdy «Qamshy» portaly Tengrinews.kz – ke silteme jasap.

Bul týraly kásiporyn basshysynyń orynbasary Marat Ismaılov habarlaǵan.

Jekeshelendirý arqyly jeke kásipkerlerge kásiporynnyń 51 paıyz úlesin satyp alý múmkindigi týyp otyr. M. Ismaılovtyń aıtýynsha, kásiporynnyń 49 paıyz úlesi memlekette qalatyn kórinedi.

«Qazir biz kásiporynnyń prızentasıasyn daıyndap qoıdyq. Mekemeniń jaǵymdy, jaǵymsyz qyrlary bári aıtylady. Qujat qazir Almatyny damytý ortalyǵynan saraptamadan ótýde. Ol jerde bekitilgen soń tıisti saıtqa ornalastyrylady. Bul máselemen qalanyń qarjy basqarmasy aınalysady», - deıdi ol.

Kásiporynnan úles satyp alǵan kásipker kombınat kórsetetin qyzmetten túsken qarajattan paıda taba alady. Sonymen qatar, qabirstandardyń kútimine jaýapty bolady.

M. Ismaılov qaladaǵy barlyq zırattardyń jaǵdaıy men kásiporyn jumysyn baqylaýda ustaıtyn bolatynyn da aıtqan.