Búginde ıslam atyn jamylyp, elge din taratýmen erinbegen adamnyń bári aınalysatyndaı. «Taza ıslamdy taratamyz, taýhıdke shaqyramyz» deıtin ondaılardyń keıbiriniń qandaı «dindi» taratyp jatqanyn Qazaqstan Musylmandary dinı basqarmasynyń ımamdary men ǵulamalary ashyq aıtyp júr.

Olar Sırıa asyp, jat elde qaza taýyp jatqan baýyrlarymyzdyń adasýyna da osyndaı «taza din taratýshy», saláfızm ustanýshylary sebepker ekenin aıtady.

«Ózderin saláfpiz dep júrgender búginde tikeleı sol jıhadshylarǵa jastarymyzdy daıyndap berip otyr. Olar ózderi bul týraly eshteńe aıtqan joqpyz dep aqtalsa da, Sırıaǵa ketip jatqandar tikeleı osy saláfıa aǵymyn nasıhattaýdyń jemisi», - deıdi Almatydaǵy «Ásker Ata» meshitiniń bas ımamy Batyrbek Bazarbekuly.

Tolyǵyraq tómende usynylatyn beınerolıkten kóre alasyzdar.