Astanadaǵy EKSPO-2017 kórmesiniń qurylys alańynda órt shyqty, - dep habarlaıdy «Qamshy» portaly.
Qurylys alańyndaǵy órt týraly habar tótenshe jaǵdaılar qyzmetine búgin saǵat 11.01-de túsken. Oqıǵa ornyna jetken órt sóndirýshiler jańadan salynyp jatqan ǵımarattyń tórtinshi qabatynda shatyr men jylý saqtaıtyn qaptamalar janyp jatqany belgili bolǵan.
«Órt shalǵan nysan aýmaǵy shamamen 50 sharshy metrdi quraıdy. Nysanǵa órt sóndirý qyzmetiniń 55 adamy saǵat 11.25-te jetti. Olar órttiń taralýyna jol bermedi jáne onyń aýyr saldarynyń aldyn aldy. Tilsiz jaýmen kúreske 8 tehnıka jumyldyryldy. Zardap shekkender joq», - deıdi İİM TJK-niń resmı ókili Rýslan Imanqulov.
