QR Aýyl sharýashylyǵy mınıstri Asyljan Mamytbekov Qazaqstanda aýyl sharýashylyǵy jerleri sheteldikterge satylmaıtynyn málimdedi, - dep habarlaıdy «Qamshy» portaly QazAqparatqa silteme jasap.

«Jer máselesi boıynsha eshqandaı sheshim qabyldanǵan joq jáne qabyldanbaıdy da. Óıtkeni, jer negizinen sol jerdi paıdalanýshylarǵa satylady. Qazaqstannyń Jer týraly kodeksinde, zańdarynda eshqandaı sheteldikke aýyl sharýashylyǵy salasyndaǵy jerler satylmaıdy dep jazylǵan. Sondyqtan jer ózimizdiń azamattarǵa jáne jergilikti  kompanıalarǵa ǵana tıesili bolady», - dedi mınıstr BAQ ókilderiniń saýalyna oraı.

Aıta keteıik, búgin QR Aýyl sharýashylyǵy mınıstri Asyljan Mambytbekov Aýyl sharýashylyǵy jáne aýyldyq aımaqtardy damytý jónindegi eýropalyq komısar Fıl Hoganmen kezdesti. Kezdesý barysynda Qazaqstan men Eýropalyq komısıa arasyndaǵy aýyl sharýashylyǵy salasyndaǵy uzaqmerzimdi áriptestik pen yntymaqtastyqty nyǵaıtý, Eýrazıalyq ekonomıkalyq odaq shekarasy arqyly eýropalyq aýyl sharýashylyǵy ónimderin tasymaldaý máseleleri talqylandy.