Mańǵystaýlyq polıseıler «Áıel zorlady» degen aıyp boıynsha 26 jastaǵy jigitke qarsy qylmystyq is qozǵady, - dep habarlaıdy «Qamshy» portaly halyknews.kz – ke silteme jasap.

Quzyrly oryndardyń málimdeýinshe, bul oqıǵa ótken aptanyń aıaǵynda, Munaıly aýdanynda oryn alǵan. Basqudyq aýylynda turatyn 26 jasar boıjetken, tanystyq saıttary arqyly bir jigitpen tanysady. Ol keıinnen álgi jigitpen kezdeskenin, sol kezde onyń ózin zorlaǵanyn aıtyp, polısıaǵa shaǵymdanǵan.

Jábirlenýishiniń sózine qaraǵanda, Berik esimdi jigit onymen kezdesýge  «Lada» avtokóligin minip kelgen de, sol kóliktiń ishinde, onyń abyroıyn tókken.

Osy fakt boıynsha, Beıneýde turatyn 26 jasar jigit ustaldy. Ol jańa tanysy ekeýiniń arasynda ıntımdik qatynas bolǵanyn joqqa shyǵarmaıdy. Biraq óziniń zorlyq jasamaǵanyn, bári qyzdyń yqtıarymen bolǵan is ekenin aıtyp otyr. Endi istiń aq-qarasyn tergeý anyqtaıdy.