Aqtóbe qalasynda 18 sáýirden bastap qoǵamdyq kóliktegi zeınetkerlerge arnalǵan jol júrý bıletterine jeńildik alynyp tastaldy. Soǵan baılanysty zeınetkerler narazylyq bildirýde, - dep habarlaıdy «Qamshy» portaly.

Bul ózgeris tek zeınetkerler arasynda ǵana emes áleýmettik jelide de qyzý talqylanýda. Jeńildiktiń alynyp tastalǵanynan habarsyz qarıalardy avtobýs baqylaýshylary kólikten kúshpen túsirip jiberý oqıǵalary týraly jeli qoldanýshylary jarysa jazýda.

Al, endi bir azamattar kóligi bar azamattardy zeınetkerlerdi tegin tasymaldaýǵa úgitteýde. Turym Alagózov esimdi qoldanýshy júrgizýshilerden jumysqa bara jatqanda, qaıtar jolda zeınetkerlerdi tegin tasymaldaýdy surady.

«Kúnde tańerteń óz mashınalarymyzben (búginde ár otbasynda jeke kólik bar) jumysqa bara jatqanda, túski úzilis kezinde qarıalar úshin tegin taksı bolyńyzdar! Bir apta! Boldy... Sosyn avtobýs basshylary óz qatelikterin túsinip, depýtat dostarymen birge atalarymyzǵa qoıǵan sanksıalarynan bas tartady», - dep jazdy.