Byltyr 24 qazan kúni Taraz qalasyndaǵy «Nur Otan» partıasynyń ǵımaratynda ózin-ózi órtep jibergen 20 jastaǵy Erlan Bektibaevtiń qylmysqa qatysy joqtyǵy dáleldendi, - dep habarlaıdy «Qamshy» portaly nur.kz – ke silteme jasap.

Buǵan deıin tergeý organdary E. Bektibaev Danıar Raımbaev esimdi azamattyń ólimine qatysy bar dep kúdiktengen bolatyn.

Jan túrshiktirerlik qaıǵyly oqıǵadan soń jalǵasqan izdestirý, tergeý jumystary D. Raımbaevtyń ólimine qatysy bar shyn qylmyskerdi anyqtady. Onyń qylmysqa qatysyn dáleldeý úshin polıseıler tipti Talas ózeniniń sýyn aǵyzyp jiberip, astynan aıǵaq zattardy izdeýge deıin barǵan.

Adam óltirgen Rýslan Israılovtyń qylmysy dáleldenip, ol qylmystyq kodekstiń úsh birdeı baby boıynsha kináli dep tanylǵan. Sot oǵan 18,5 jyl bas bostandyǵynan aıyrý jazasyn kesti.

Endi quqyqqorǵaý organdary kinásiz jigitti aıyptap, ózin-ózi óltirýge ıtermelegen polısıa qyzmetkerimen aınalysatyn bolady.