Saıtymyzda «Baqty» beketinen ótý kezinde Qytaıdan kele jatqan qazaq azamatynyń 10 myń dollar ákele jatqan qazaq qarıasynyń aqshasyn alyp qoıý oqıǵasy týraly jazǵan bolatynbyz.

Osyǵan baılanysty redaksıamyzǵa QR Qarjy mınıstrligi Memlekettik kirister komıtetinen jaýap hat keldi. Komıtetten kelgen hatta maqalada aıtylǵan oqıǵanyń 2016 jylǵy 26 naýryz kúni bolǵany, shekaradan ótken 1948 jyly týǵan QHR azamatynyń qaltasynan 10 myń AQSH dollary, 40 myń teńge jáne 1535 ıýán tabylǵany jazylǵan. Alaıda, ol aqshany kedenshiler emes shekara beketiniń qyzmetshileri, ıaǵnı shekara qyzmetiniń áskerı qyzmetshileri tárkilegeni aıtylady. Kiris komıtetinen kelgen hatta sondaı-aq, shetel azamatynyń aqshasyn tárkileý belgilengen nusqaýlyqtardy buza otyryp, jolaýshylar termınalynda kedendik baqylaý aıaqtalǵannan soń júrgizilgeni jazylǵan. Shekarashylar tarapynan belgilengen erejeni buzý oqıǵasy týraly arnaıy jazba tirkelip, tıisti organdar qulaqtandyrylǵan kórinedi.

Atalǵan is boıynsha materıaldar prosesýaldyq sheshim shyǵarý úshin QR İİM Shyǵys óńirlik áskerı-tergeý basqarmasynyń Aıagóz bólimshesine jiberilgen. «Qamshy» portaly osy oqıǵanyń budan ári qalaı órbıtinin nazarynda ustaıtynyn eskertemiz.