Búgin, 24 sáýirde Atyraýda Isataı-Mahambet alańynda 100-den astam adam ruqsat etilmegen mıtıńke shyqty. Olar jerdi sheteldikterge satýǵa múmkindik beretin Jer kodeksindegi ózgeristerge qarsy narazylyq bildirýde.

Qaladaǵy belsendiler zańǵa sáıkes, on kún buryn qalalyq ákimdikke 24 sáýirde mıtıń ótkizýge ótinim bergen edi, biraq olarǵa ruqsat berýden bas tartyldy. Sóıtip adamdar ózderi jınaldy. Mıtıńke shyǵýshylarǵa Atyraý qalasynyń ákimi Nurlybek OJAEV, oblys ákiminiń orynbasary Sálimjan NAQPAEV keldi. Olar jınalǵandarǵa jańa Jer kodeksinde Qazaqstannyń egemendigine qaýipti eshteńe joq ekendigin túsindirýge tyrysty, alaıda olardy durys tyńdamady. Belsendilerdiń sózderin tyńdaǵan qala ákimi mıtıń pozısıasyn oblys ákimine jetkizýge ýáde berdi. Belsendiler óz kezeginde adamdardy "arandatýǵa berilýmeýge", mıtıń beıbit bolý úshin ózderin tártipti ustaýǵa shaqyrdy. Alańda polısıa men "shtattyq" kıimdegi adamdar kóp boldy.

Ákim, qala prokýrory jáne basqa da laýazymdy tulǵalar mıtıńiden ketti. Alańda kóptegen adamdar, sonyń ishinde áıelder men balalar qaldy. Jınalǵandar arasynda aýyl turǵyndarynyń kóp ekeni baıqalady. Alańda adamdar ýaqyt ótken saıyn molaıa túsýde.

Alańdaǵy mıtıń jalǵasyp jatyr, Qarabatannan jáne oblystyń basqa da munaı poselkelerinen vahtashylar kelip, minbege shyǵyp, ózderiniń belsendi likterin tanytýda. Jergilikti ýaqyt saǵat 14.00 shamasynda (Astana ýaqytymen 15.00) alańǵa jınalǵan halyq myńnan asty.

14.30. Alańǵa Atyraý oblysynyń ákimi Nurlan NOǴAEV kelip, mıtıńige shyǵýshylarmen kelissózder júrgizdi. Oblys ákimimen kelissózde ereýilshi halyq tańerteń quqyqqorǵaýshy organdar kótergen 8 azamattyq belsendige qatysty qylmystyq isti toqtatýdy talap etti. Bul onyń quziretinde emestigin málimdegen oblys ákimi alańnan ketti. Mıkrofondar jumys jasamaıdy jáne halyqtyń shýynan sóz sóıleýshilerdiń sózderi anyq estilmeıdi. Ákim ketkennen keıin mıtıńishiler qala prokýrory Rýfat QUTTYQOVTYŃ atyn atap, oǵan da osy talaptardy qoıdy.

15.30-da narazylyqqa shyǵýshylarmen Atyraý qalasynyń ákimi Rýfat Quttyqov kelissózge kiristi. Odan halyq aldynda joǵaryda atalǵan 8 belsendini jáne búgingi mıtıńige qatysqandardyń birde-birin jaýapqa tartpaımyz dep sóz berýin talap etti. Prokýror mundaı ýáde berýge quqyly emestigin aıtyp, bári zań júzinde sheshiledi dep málimdedi. 

16.00-de oblys jáne qala ákimderi alańǵa oralyp, adamdarmen kelissózderin jalǵastyrdy. Oblys ákimi mıtıńige qatysýshylarǵa eshkim qýdalanbaıtynyn málimdedi. Jınalǵandar onyń halyq aldynda ýáde berýin talap etti. Ákim buǵan óziniń qashan da óz sózine jaýap beretinin aıtty. Ereýilshiler tarapynan jerdi satý jáne jalǵa berýdi toqtatý týraly talaptar qoıyldy. Noǵaev jınalǵandarǵa mıtıńishilerdiń talaptaryna naqty jaýap berý úshin zań boıynsha bıliktiń 21 mamyrǵa deıin ýaqyty bar ekenin túsindirdi.

16.30-da mıtıńige qatysýshylardyń arasyndaǵy bir aqsaqal bata berip, ereýilshilder beıbit taraı bastady.

Azamat MAITANOV

Zýlfıa BAINEKEEVA

Sýretter men beıne jazbany túsirgen avtor

Azh.kz