Beıjiń qalasynda Qytaıdyń jeńil atletıkadan Ashyq chempıonaty aıaqtaldy. Jarysqa 21 elden kelgen 200 sportshy qatysty. Qazaqstannyń paralımpıadalyq quramasynyń atynan 6 jeńil atlet shyqty - Maqjan Nurlybaev, Sergeı Harlamov, Islam Sálimov, Amanat Qalqaev, Alekseı Lýkýtın, Pavel Sıdorchýk, - dep habarlaıdy Qamshy.kz QazAqparatqa silteme jasap.

Qazaqstandyqtardyń arasynda Islam Sálimov erekshe kózge tústi. Ol 400 metrge júgirý erejesinde T13 klasynda (kórý qabileti nashar) altyn medalǵa qol jetkizdi.

Islam bul qashyqtyqty 53,86 sekýndtyń ishinde eńserip, Japonıa, Vetnam jáne Taıpeıden kelgen sportshylardy artta qaldyrdy.

Uzyndyqqa sekirý erejesinde 5.29 nátıjesin kórsetken Amanat Qalqaev qurama qorjynyna kúmis júlde ákeldi, dep habarlaıdy QR Ulttyq paralımpıada komıtetiniń baspasóz qyzmetinen.